شانده‌كى جڤاتا رۆحانيا ئێزديان گه‌هشته رووسيا
ئێزديخان نيوز:
شانده‌كى جڤاتا رۆحانيا ئێزديان ب سه‌رۆكاتيا "حازم ته‌حسين سه‌عيد" بريكارێ سه‌ماحه‌تا مير ته‌حسين به‌گ دگه‌ل دا ژماره‌كا زه‌لامێن ئۆلى يێن ئێزديان گه‌هشته وه‌لاتێ رووسيا.
راگه‌هاندنا جڤاتا رۆحانيا ئێزديان دبه‌ياننامه‌يه‌كێ دا به‌لاڤكريه ئيرۆ رۆژا پێنج شه‌مبوويێ 18ئۆكتۆبه‌را 2018ێ شانده‌كى جڤاتا رۆحانيا ئێزديان به‌ره‌ف وه‌لاتێ رووسيا چۆ بۆ چاڤپێكه‌فتنێ لگه‌ل پاپايێ مۆسكۆ.
د داخويانيه‌كا تايبه‌ت دا "حازم ته‌حسين سه‌عيد" بريكارێ ميرێ ئێزديان گۆت:"ئه‌ڤ لسه‌ر داخوازا پاپايێ مۆسكۆيێ بوويه بۆ زه‌لامێن ئۆلى يێن ئێزديان".
جه‌ختكر كو شاندێ ئێزدى ره‌وشا ئێزديان ل عێراقێ ب شێوه‌يه‌كى تايبه‌ت و ئێزديێن رووسيا و سه‌رانسه‌رى ده‌ڤه‌رێ ب گشتى دێ گه‌نگه‌شه كه‌ت.
بريكارێ ميرێ ئێزديان رۆنكر:"ئه‌ڤ سه‌ره‌دان بۆ مه يا گرنگه بۆ چاڤپێكه‌فتنێ لگه‌ل كه‌سايه‌تيێن ئايينى ل رووسيا".
تعليقات