هەلبژارتنێن پەرلەمانێ كوردستانێ بۆ ئێزدیان چارەنڤیسی نە/بەختیار قادر
هەلبژارتنێن پەرلەمانێ كوردستانێ بۆ ئێزدیان چارەنڤیسی نە
بەختیار قادر
هەلبژارتنێن پەرلەمانێ كوردستانێ كو بریارە ل 30/9/2018ێ بێنە ئەنجام دان،گرنگیەكا زۆر و چارەنڤیسی نە بۆ ئێزدیان كو نوونەرێ خۆ ل پەرلەمانی دا هەبت و مافێن ئێزدیان بێنە گرەنتیكرن و بدەستڤەئینان،پشتی هەلبژارتنێن عێراقێ ل 12/5/2018ێ هاتینە ئەنجام دان ڤەژنقین بۆ ئێزدیان چێبوو ژبەركو ب هەزاران دەنگێن ئێزدیان هاتن سۆتن و ژ سەرجەمێ نێزیكی 60بەربژێران تەنها دوو ژێ دەربازی پەرلەمانێ عێراقێ بوون،هەڤدەم نە تەرخانكرنا كورسیكا كۆتایێ ل پەرلەمانێ كوردستانێ تا رادەیەكی بێ ئۆمێدیەك بۆ تاكێ ئێزدی چێبوو بۆ پشكداریكرنێ ل هەلبژارتنان دا،لێ گەرەكە ئیرۆ ئێزدی تەكەزێ بێخنە سەر هەلبژارتنێن بێت یێن پەرلەمانێ كوردستانێ و ب جۆش و خرۆش و گەرمیەكا زۆر پشكداریێ بكن و بەرەف سندۆقێن دەنگدانێ بچن بۆ هەلبژارتنا نوونەرێ خۆ یێ راستەقینە،چنكو ب رێیا نوونەرێ خۆ دێ كارن دەنگێ خۆ بگەهینن بۆ بدەستڤە ئینانا هەموو مافان و هەبوونا خۆ هەبت.
تعليقات