حكومه‌تا توركيا مۆله‌تێ دده‌ته په‌نابه‌رێن ئێزدى بۆ چۆلكرنا كه‌مپان
ئێزديخان نيوز:
حكومه‌تا توركيا په‌نابه‌رێن ئێزدى يێن ل كه‌مپا ميديات ئاكنجى ئاگه‌هدار دكه‌ت دماوێ چه‌ند رۆژان دا كه‌مپێ چۆل بكه‌ن.
رۆژنامه‌ڤانێ ئێزدى ته‌لال هه‌سكانى ئيرۆ رۆژا شه‌مبوويێ 11ى ته‌باخا 2018ێ دراگه‌هاندنه‌كێ دا به‌لاڤكريه،لدوڤ بريارا حكومه‌تا توركيا په‌نابه‌رێن ئێزدى يێن ل كه‌مپا ميديات ئاكنجى هاتينه ئاگه‌هداركرن دماوێ چه‌ند رۆژێن كێم دا كه‌مپێ چۆل بكه‌ن،ئه‌وژى پشتى گرێبه‌ستا ب كرێكرنا ئه‌ردێ كه‌مپێ دناڤبه‌را خودانێ ئه‌ردى و حكومه‌تێ دا ب داوى هاتى.
هه‌سكانى گۆتژى په‌نابه‌رێن ئێزدى دوو بژارده لبه‌رن ئه‌و ژى يان لگه‌ل په‌نابه‌رێن سوورى و عێراقى ل كه‌مپێن وان دا بژين و ئه‌ڤه بخۆ ژى مه‌ترسى يه بۆ وان ژبه‌ركو ئێزدى نه،يان دكرێيان دا ئاكنجى بن ئه‌ڤه ب رێژا 90%بۆ وان ب زه‌حمه‌ته.
ناڤهاتى دووپاتكريه ژى گازيا خۆ دگه‌هيننه هه‌موو جيێن شۆله‌ژێ يێن ئێزديا و كوردستانێ و عێراقێ لسه‌ر ڤى بابه‌تى بێنه ده‌نگ و چاره‌يه‌كێ ببينن،هه‌روه‌سا ژ رێكخراو و ده‌زگه‌هێن ئێزديان دخوازين په‌يوه‌نديێ ب رێكخراوێن نێڤ ده‌وله‌تى بكه‌ن دڤى ده‌رباره‌ى دا ژبۆ ديتنا چاره‌يه‌كێ بۆ ڤان په‌نابه‌ران.
تعليقات