به‌غدا خێزانێن هاريكاريا داعشێ كرى بۆ شنگالێ ڤه‌دگه‌رينت
ئه‌ڤرۆنيوز:
فه‌رماندێ گشتيێ هيزا پاراستنا ئێزيدخانێ، حه‌يده‌ر شه‌شۆ، ئه‌ڤرۆ سێشه‌مبى 28/8/2018 راگه‌هاند، حوكمه‌تا عيراقێ ب برياره‌كا تاكلايه‌نه ب سه‌دان خێزانێن گوندێ گۆلات ل رۆژهه‌لاتا شنگالێ ڤه‌گه‌راندنه ده‌ڤه‌رێن وان، كو وان ب خوه ده‌ست ب تاوانا كۆمه‌لكۆژيێ هه‌بوو.
حه‌يده‌ر شه‌شۆ گۆت ژى” ئه‌و خيزانێن پتريا وان ده‌ست ل گه‌ل داعشێ هه‌بوو، به‌لێ حوكمه‌تا عيراقێ هه‌موو جاره‌كێ شاشيێ دكه‌ت وڤێ جارێ ژى وه‌كو جارێن دى، ئه‌وێن ده‌شت دكۆمه‌لكۆژيا ئێزديان دا هه‌بوو ڤه‌گه‌راندن بۆ شنگالێ”.
فه‌رماندێ هێزا پاراستنا ئێزيدخانێ بۆ مالپه‌رێ فه‌رميێ پارتى ديموكراتى كوردستان گۆت” هاتنا وه‌لاتيێن وى گوندى دێ بيته مه‌ترسى بۆ سه‌ر ژيانا شنگاليان وپێ دچيت هه‌ر تشتێ خراب هه‌بيت روو بده‌ت وئه‌م ژى ڤێ چه‌ندێ قه‌بوول ناكه‌ين وپێدڤيه ئه‌وێن ده‌ست دكۆمه‌لكۆژيا ئێزديان دا هه‌ى، سزايێ خوه وه‌ربگرن”.
شه‌شۆ دبێژيت”ڤان داعشان به‌رى دروستبوونا داعشێ ل سه‌ر رێيا دناڤبه‌را باژێران چه‌ندين كه‌س ده‌سته‌سه‌ركرينه وكوشتينه”.
تعليقات