شێخ شامۆ:كوردێن ئێزدی ژبه‌ر كوردبوون و ئایینێ خۆ هاتن جینۆسایدكرن
باسنيوز:
پەرلەمانتارێكی كوردی ئێزدی لە پەرلەمانی كوردستان، ڕای دەگەیەنێت، کە كوردانی ئێزدی بە هۆی كوردبونیان و ئایینەكەیانەوە جینۆساید كران.
شێخ شامۆ شێخو، پەرلەمانتاری كوردانی ئێزدی لە پەرلەمانی كوردستان، بە (باسنیوز)ی ڕاگەیاند: "لەماوەی چوار ساڵی ڕابردووەوە تاوەكو ئێستا، زیاتر لە 3 هەزار رفێنراوی ئێزدی لە دەستی داعش رزگار كراون و هەروەها زیاتر لە 3 هەزار ئێزدی دیكە تاوەكو ئێستا چارەنووسیان نادیارە و ئێستاش داعش لە ناوچەكە ماوە و شانە نوستووەكانیشیان لە پەرەسەندندان، كوردانی ئێزدیش بە هۆی كوردبوونیان و ئاینەكەیانەوە جینۆساید دەكرێن".
لە بارەی ئەو ئافرەت و منداڵە ئێزدیانەی ژێر دەستی داعش، ئەو تیرۆریستانە لە وڵاتە عەرەبییەكانیش كڕین و فرۆشنتنیان پێوە كردوون، ئەو پەرلەمانتارە ئێزدییە، ئەوەشی خستە روو، کە ئەوان بازرگانی و كڕین و فرۆشتنیان پێوە كردوون و هەڵبەتە لە وڵاتە عەرەبییەكانیش بڵاوەیان پێوە كراوە، چونكە بەشی زۆری سەرانی تیرۆریستان هەر لە عێراق و سووریا و وڵاتە عەرەبییەكانەوە لە ناو داعشدابوونە و لە ڕێگای ئەوانیشەوە بازرگانیان پێوە كراوە.
تیرۆریستانی داعش لە ساڵی 2014 شاری شنگالیان داگیركرد و كوردانی ئێزدیان رووبەرووی گەورەترین كارەساتی سەردەم كردوەوە، پاشان بە فەرماندەیی سەرۆك بارزانی پێشمەرگە توانی شنگال رزگار بكاتەوە و پاشان لەلایەن میلیشیاكانی حەشدی شەعبییەوە داگیر كرایەوە.
تعليقات