حكومه‌تا عێراقێ لیژنه‌یه‌ك بۆ چاره‌نڤیسێ سێ هه‌زار كوردێن ئێزدی پێك ئینا
WAAR-دهۆك:
وه‌زاره‌تا كۆچ و كۆچبه‌رێن ئیراقێ، لژنه‌یه‌ك ژبۆ دووڤچۆنا چاره‌نڤیسێ نه‌دیار یێ 3000 كوردێن ئێزدی یێن د ده‌ست داعشێ دا پێكئینا.
ستار نه‌وروز، په‌یڤدارێ وه‌زارتا كۆچ و كۆچبه‌ران راگه‌هاند ؛ ب هه‌ماهه‌نگی د گه‌ل نڤێسینگه‌ها حه‌یده‌ر عه‌بادی، لیژنه‌یه‌ك ژبۆ دووڤچۆنا ناڤخۆ و ژ ده‌رڤه ل دۆر چاره‌نڤیسێ نه‌دیاریێ 3100 كوردێن ئێزدی یێن ل شنگالێ كو تا نها د ده‌ست داعشێ دا نه ، هاتییه پێكئینان و تا نها نه‌هاتییه زانین ئه‌و كه‌س هاتینه كوشتن یان ژی بۆ جهه‌كێ نه‌دیار هاتینه ڤه‌گوهاستن.
خویا ژی كر، لیژنه‌یێ كۆمبوون و پلانێن خوه یێن تایبه‌ت ژ بۆ دووڤچۆن و هه‌ماهه‌نگیێ د گه‌ل جهێن تایبه‌ت بۆ زانینا پاشه‌رۆژا كه‌سێن نه‌دیار داناینه و ل نزیك دێ ده‌ست ب كار بن.
داعشێ ل 3 یێ ته‌باخا سالا 2014ێ هێرشی شنگال و چه‌ندین گوندێن كوردێن ئێزدی كرن و 6417 كچ و كور هاتنه ره‌ڤاندن و تا نها نیڤه‌كا وێ رێژه‌یێ مایه دده‌ست داعشێ دا و چاره‌نڤیسێ وان دیار نینه.
تعليقات