قوتابخانا كۆچۆ دێ بته مۆزه‌خانا جينۆسايدا ئێزديان
ئێزديخان نيوز:
ڤه‌كۆله‌ره‌كى ئێزدى ئاشكه‌راكر كو رازه‌مه‌ندى ژ ئاليێ ده‌وله‌تێ ڤه هاته دان كو قوتابخانا كۆچۆ ل شنگال ببته مۆزه‌خانا جينۆسايدا ئێزديان،ژبه‌ركو رێكخراوا داعش يا تيرۆرستى هه‌موو خه‌لكێ گوندى تێدا كۆمكرن و ل 15/8/2018هه‌موو كوشتن و جينۆسايدكرن،هه‌روه‌سا په‌يكه‌ره‌ك بۆ ته‌ڤكوژيێ و هۆله‌ك ب ره‌خ قوتابخانێ ڤه دێ ئێنه دروستكرن.
ڤه‌كۆله‌رێ ئێزدى" داود موراد خه‌تارى" دبه‌ياننامه‌كێ دا كو دانه‌يه‌ك بۆ مالپه‌رێ (ئێزديخان نيو)هنارتيه راگه‌هاند:"لدوڤ داخويانيا نايف جاسۆ سه‌رۆكێ هۆزا مه‌ندكان دێ قوتابخانا كۆچۆ ل شنگال بته مۆزه‌خانا جينۆسايدا ئێزديان و په‌يكه‌ره‌ك بۆ ته‌ڤكوژيێ و هۆله‌ك ب ره‌خ قوتابخانێ ڤه دێ ئێنه دروستكرن".
خه‌تارى خوياكر:"ژمارا قوربانيێن گوندێ كۆچۆ 1202قوربانى نه و جانگۆرى ل 22گۆرێن بكۆم دان".
ڤه‌كۆله‌رى ئه‌و چه‌نده ژى ئاشكه‌راكريه،سه‌رباره‌ى سۆزێن هاتينه دان و بۆرينا چار سالان لسه‌ر جينۆسايدێ،گۆرێن بكۆم ژئاليێ جيێن تايبه‌تمه‌ند ڤه هه‌تا نهۆ نه‌هاتينه هه‌لدان.
گوندێ كۆچۆ دكه‌فته باشوورێ سه‌نته‌رێ قه‌زا شنگالێ و ئاكنجيێن وى هه‌موو كوردێن ئێزدى نه.
تعليقات