قاسم شەشۆ: ل چیایێ شنگال بنگه‌هه‌كى سه‌ربازى دێ ئێته دانان پێشمه‌رگه ژى دێ تێدا بت
باسنيوز:
فه‌رماندێ فه‌رمانده‌یێ پێشمه‌رگێ كوردستانێ ل شنگالێ راگه‌هاند، بنگه‌هه‌كێ سه‌ربازى یێ مه‌زن دێ ل سه‌ر چیایێ شنگال هێته دانان و هێزێن ئه‌مریكى و فرقا 15 یا سۆپایێ عیراقێ و پێشمه‌رگه دێ د ڤى بنگه‌هێ سه‌ربازى دابن.
قاسم شه‌شۆ، فه‌رماندێ فه‌رمانده‌یێ پێشمه‌رگێ كوردستانێ ل شنگالێ، د لێدوانه‌كا تایبه‌ت دا بۆ (باسنیوز) ئاشكرا كر، ده‌نگۆیه‌ك هه‌یه كو ل ده‌مه‌كێ نێزیك بنگه‌هه‌كێ سه‌ربازى یێ مه‌زن ل سه‌ر چیایێ شنگال بهێته دانان، نها رێككه‌فتن دناڤبه‌را هێزێن ئه‌مریكى و فرقا 15 یا سۆپایێ عیراقێ هاتیه كرن كو ئه‌ڤ بنگه‌هه بهێته دانان و پشتى بنگه‌هـ دهێته دانان دێ پێشمه‌رگه ژى د ڤى بنگه‌هى دا پشكدار بیت، به‌لێ هه‌تا نها چو تشتێ دیكۆمنتكرى و فه‌رمى نینه، به‌لێ پێشبینى دهێته كرن ب زووترین ده‌م ئه‌ڤ بنگه‌هه بهێته دانان.
فه‌رماندێ فه‌رمانده‌یێ پێشمه‌رگێ كوردستانێ ل شنگالێ، فه‌رماندێ فه‌رمانده‌یێ پێشمه‌رگێ كوردستانێ ل شنگالێ ئه‌و یه‌ك ژى ل (باسنیۆز) نه ڤه‌شارت، نها هژماره‌كا زۆر یا هێزێن ئه‌مریكى ل شنگالێ نه و به‌رده‌وام هاتن و چوونێ دكه‌ن و ل گه‌ل هندێ ژى ئه‌ڤه چه‌ند رۆژه‌كه هێزه‌كا بریتانى ژى گه‌هشتیه شنگالێ، به‌لێ چو ژ وان هێزان هه‌تا نها ئالایێن خوه بلندنه‌كرینه و كه‌سێ ژى ب فه‌رمى سه‌ره‌دانا هێزێن مه یێن پێشمه‌رگه‌ى ل شه‌رفه‌دین نه‌كرینه، به‌لێ ئه‌م به‌رده‌وام و رۆژانه ترۆمبێل و له‌شكه‌رێ وان دبینین هاتن و چوونێ دكه‌ن.
شه‌شۆ، ئاماژه ب وێ یه‌كێ كر كو هه‌تا نها چو بنگه‌هـ ل سه‌رێ چیایێ شنگالێ نه‌هاتینه دانان و هه‌كه بنگه‌هـ بهێته دانان ژى دێ كاره‌كێ مه‌زن بیت بۆ پاشه‌رۆژا ده‌ڤه‌رێ و بۆ دانانا ڤى بنگه‌هى پێدڤیه رێككه‌فتنێن سیاسى دناڤبه‌را ئه‌مریكا و عیراقێ و هه‌رێما كوردستانێ دا بهێنه كرن.
مه‌حما خه‌لیل، قائیمقامێ قه‌زا شنگال، بۆ (باسنیوز) دیار كر، سه‌ربازێن ئه‌مریكى ل شنگالێ دانه و نها كارێن خوه رێك دئێخن بۆ هندێ چو هێزێن تیرۆرى و داعش جاره‌كا دى نه‌هێنه د ناڤا شنگالێ دا و شنگال یا پاراستى بیت و مه پێخۆشه هێزێن ئه‌مریكى هاتینه ده‌ڤه‌رێ، به‌لێ مه چو په‌یوه‌ندى ل گه‌ل وان نینه.
تعليقات