به‌رپرسه‌كێ حكومه‌تا ئه‌لمانيا به‌حسێ پێدانا مافێ په‌نابه‌ريێ بۆ ئێزديان دكه‌ت
ئێزديخان نيوز:
ژبۆنا ئاكتیڤكرنا كه‌یسا ئێزدیاتيێ و ناساندنا وێ د كۆمه‌لگه‌ها ئه‌لمان دا، مالا ئێزدیا ئۆلده‌نبورگ رابوو ب ئەنجام دانا چه‌ند چاڤپێكه‌فتنێن گرنگ ل گه‌ل كه‌سایه‌تیێن سیاسی و رسمی د حكومه‌تا هه‌رێما نیده‌رزاكسن دا.
جڤین ل گه‌ل سهرۆكێ شاره‌داریا ئۆلده‌نبورگ
ل رۆژا 7/6/2018ێ سهرۆكێ مالا ئێزدیا شه‌هاب داگ لگه‌ل شیره‌تكار و چاكڤاڤانێ كاروبارێن په‌نابه‌را تیۆ لامپه و به‌رێز ئولف تخانك په‌رله‌مانتارێ هه‌رێما نیده‌رزاكه‌سن،جڤینه‌ك لگه‌ل سهرۆكێ شاره‌داریا ئۆلده‌نبورگ ئەنجام دان كو تێدا به‌حسێ ره‌وشا مالا ئێزدیا هاته به‌حسكرن و چاوانیا ئاليكاریا وێ بێته كرن و هه‌روه‌سا به‌حسێ هنده‌ك بابه‌تێن گرێدايی ب ئێزدیان ڤه هاتنه گه‌نگه‌شه كرن، ژئالیێ خۆڤه شاره‌دارێ باژارێ ئۆلده‌نبورگ خۆش حالیا خۆژ بۆ مالا ئێزدیا دیاركر و پێشكێشكرنا هاريكاریێ ژ بۆ مالا ئێزدیا و گشت ئێزدیا ل باژارێ ئۆلده‌نبورگ ئانی سه‌ر زمان .
چاڤپێكه‌فتن لگه‌ل سهرۆكێ حكومه‌تێ شتیفان وایل
سهرۆكێ مالا ئێزدیا شه‌هاب داگ و لیاس یانچ سهرۆكێ دوێ چاڤپه‌كه‌فتنه‌ك لگه‌ل شتێفان وایل سهرۆكێ حكومه‌تا نیده‌رزاكه‌سن كرن ل باژارێ هانۆڤه‌ر ل رۆژا 5/6/2018،دڤێ چاڤپێكه‌فتنێدا یا كو هاتیا رێكخستن ژ ئالیێ حكومه‌تێ ڤه ژ بۆنا ئاما‌ده‌كرنا فتاره‌كێ بۆ موسلمانا و ب حازربۆنا چه‌ند رێكخراوێن ئولی یێن هندوس و ژوهو و ئێزدى و موسلمان و خاچ په‌رێس، به‌حسێ مالا ئێزدیا ئۆلده‌نبورگ هاته كرن و دیسان به‌حسێ ئاهه‌نگا یۆبێلا زیڤی یا مالا ئێزدیا هاته كرن یا كو ل مه‌ها ئوكتۆبه‌رێ دئێته كرن، ژ ئالیێ خۆڤه سهرۆكێ حكومه‌تێ خۆشحالیا خۆ دیاركر ژ بۆنا ڤێ بیره‌وه‌ریێ.
چاڤپێكه‌فتنه‌ك لگه‌ل به‌رپرسێ سیاسی یێ حكومه‌تا نیده‌رزاكه‌سن
ل رۆژا 5/6/2018ێ لیاس یانچ سهرۆكێ دوێ یێ مالا ئێزدیا چاڤپێكه‌فتنه‌ك لگه‌ل به‌رێز بیلد ئونای به‌رپرسێ سیاسی یێ حكومه‌تا نیده‌رزاكه‌سن و به‌رپرسێ پێكڤه‌ژیانێ یێ پارتا كه‌سك كر، دڤێ چاڤپێكه‌فتنێدا به‌حسێ وێ شاشتیێ ل دادگه‌ها په‌نابه‌را ل باژارێ برێمه‌ن هاته كرن و چاوانیا دانه مافێ په‌نابه‌ریێ ژ بۆ ئێزدیا بێته دان،هه‌روه‌سا د پاشه‌رۆژێدا جڤیه‌كا به‌رفره تێته رێكخستن و به‌حسێ ره‌وشا ئێزدیا تێدا تێته گۆتوبێژكرن.
چاڤپێكه‌فتن ل گه‌ل به‌رپرسا كاروبارێن په‌نابه‌را
ئه‌‌ندامێن جڤاتا ئێزدی ل نیده‌رزاكه‌سنێ جڤینه‌كا به‌رفره لگه‌ل به‌رێز دۆخ شۆداكۆف به‌رپرسا كاروبارێن په‌نابه‌را ئەنجام دا كو تێدا به‌حسێ ره‌وشا په‌نابه‌را هاته كرن و ب تایبه‌ت په‌نابه‌رێن ئێزدی ل ئه‌لمانیا ژئالیێ خۆڤه به‌رێز شۆداكۆف خۆشحالیا خۆژ بۆ هاريكاریا په‌نابه‌رێن ئێزدی دیار كر و هه‌روه‌سا هه‌ماهه‌نگی و كاركرن لگه‌ل ڤێ جڤاتێ شك ئانی سه‌ر زمان.
به‌شداريكرن د ڤيسته‌ڤالا هاڤنێ یا گه‌نجا دا ل هانۆڤه‌ر
لسه‌ر داخوازناما سهرۆكێ حكومه‌تا نیده‌رزاكه‌سن شتیفان وایل ڤيسته‌ڤالا گه‌نجا ل باژارێ هانۆڤه‌ر هاته گێران مالا ئێزدیا ئۆلده‌نبورگ ب رێیا وسام ده‌رمان به‌شدار دڤێ ڤيسته‌ڤالێ دا كر دو هه‌روه‌سا مالا ئێزدیا ل باژارێ (له‌‌ر ).ئوستفریسلاند ب رێيا دو كه‌چێن ئێزدی دیسان به‌شدار دڤێ ڤیسته‌ڤالێ دا كر.
راگه‌هاندنا مالا ئێزديان ل ئۆلده‌نبورگ
تعليقات