گرۆپێن رادیكال ل عه‌فرینێ بۆ بەردانا هه‌ر ئێزدیەكی داخوازا پێنچ هه‌زار دۆلارا دكه‌ن
باسنيوز:
سه‌رۆكێ رێكخراوا جڤین ل دهۆكێ دیاركر، کو ژ نێزێك رێكخراوا جڤێن ل دهۆكێ چاڤدێریا ره‌وشا ئێزدیان ل عه‌فرینێ دكه‌ت.
كاوه عیدۆ، سه‌رۆكێ رێكخراوا جڤین، بۆ (باسنیوز) دیاركر: "گرۆپێن رادیكال ل عه‌فرینێ ئێزدیان د ره‌ڤینن ب گوژمێن پارەى ئازاد دكه‌ن. هه‌تا نۆكه نێزێكى 80 كه‌سێن ئێزدى یێن ل عه‌فرینێ هاتینه ره‌ڤاندن ژئالیێ گرۆپێن توند ره‌و ڤه. بۆ رزگاركرنا هه‌ر كه‌سه‌كێ ژوان ژى گرۆپێن رادیكال و توند ره‌و داخازا گوژمێ پێنچ هزار دۆلار ژ كه‌س و كار وخێزانیێن وان دكه‌ن. گه‌له‌ك كه‌س هه‌نه دهه‌ژارن نه‌شێن ڤێ گوژمێ پاره بده‌ن، ژیانا وان كه‌ڤته مه‌ترسیێ دا. نۆكه ئێزدى ل عه‌فرینێ نه‌ماینه ژبه‌ر گرۆپێن رادیكال و توند ره‌و هه‌موو ئێزدى ژ گوندێن خوه ل عه‌فرینێ ئاواره بووینه".
خویا ژى كر: "22 گوندێن ئێزدیان ل عه‌فرینێ هه‌نه دۆرین 200 هزار كه‌سین ئێزدى تێدا دژیان. نۆكه ئه‌ڤ گوندێن ئێزدیان یێن هاتینه ڤالا كرن به‌رده‌وام گرۆپێن رادیكال توند وتێژى دژى ئێزدیان ئه‌نجام دده‌ن. نۆكه ژى گرۆپێن رادیكال یێن توند ره‌و ل عه‌فرینێ ده‌ست ب گرتن و ره‌ڤاندیان ئێزدیان كرینه".
تعليقات