كچه‌كا دى يا ئێزيدى هاته رزگاركرن
ئێزيدخان نيوز:
نڤيسينگه‌ها رزگاركرنا گرتيێن ئێزيدى ل پارێزگه‌ها دهۆكێ،رزگاركرنا كچه‌كا دى يا ئێزيدى راگه‌هاند كو ژبال رێكخراوا داعش دگه‌ل خێزانا خۆ ژ دوميز ل شنگالێ هاتبوو گرتن.
راگه‌هاندنا نڤيسينگه‌ها رزگاركرنا گرتيێن ئێزيدى ل پارێزگه‌ها دهۆكێ دراگه‌هاندنه‌كێ دا به‌لاڤكريه،ل شه‌ڤا3ى ئه‌يارا2018ێ كچا ئێزيدى" شريهان عه‌لى" يا ته‌مه‌ن 17سالى ژ ده‌ڤه‌را دوميز ل شنگالێ هات رزگاركرن و گه‌هشته كه‌س و كارێن خۆ ل كه‌مپا خانكێ ل پارێزگه‌ها دهۆكێ.
راگه‌هاندنا نڤيسينگه‌هێ ئاماژه‌كريه كو"حسێن قائيدى"به‌رپرسێ رزگاركرنا نڤيسينگه‌ها گرتيێن ئێزيدى د داخويانيه‌كێ دا دياركر ل رۆژێن بێت دێ مزگينيه‌كا دى يا دلخۆشكه‌ر ده‌ينه خه‌لكێ خۆ.
تعليقات