ته‌رمێ دوو كۆچبه‌رێن ئێزيدى ژ يونانێ دێ بۆ كوردستانێ ئێنه ڤه‌گوهاستن
ئێزيدخان نيوز:
به‌ريا ماوه‌يه‌كى دوو كۆچبه‌رێن ئێزيدى ده‌ما ل كه‌نارێن يونانێ خه‌ندقين نهۆ ته‌رمێ وان هاتينه ناسين و ب رێيا نڤيسينگه‌ها سه‌رۆكێ حكومه‌تا هه‌رێما كوردستانێ ل رۆژێن بێت دا ته‌رمێ وان بۆ هه‌رێمێ دێ ئێنه ڤه‌گوهاستن.
خێرى بۆزانى،رێڤه‌به‌رێ رێڤه‌به‌ريا گشتى يا كاروبارێن ئێزيديان ل هه‌رێما كوردستانێ،ئيرۆ 6ى ئه‌يارا2018ێ دراگه‌هاندنه‌كێ دا به‌لاڤكريه، نڤيسينگه‌ها تايبه‌تا رێزدار" نێچيرڤان بارزانى" سه‌رۆكێ حكومه‌تا هه‌رێما كوردستانێ دێ هه‌موو مه‌زاختنێن ڤه‌گوهاستنا ته‌رمێ هه‌ردوو كۆچبه‌رێن ئێزيدى(هه‌يفا سلێمان ئبراهيم به‌رى،حه‌نيف خه‌له‌ف حه‌سه‌ن عه‌لى) ژ يونانێ بۆ فرۆكخانا هه‌ولێرێ يا نێڤ ده‌وله‌تى ب ستۆيێ خۆ ڤه گرت،ئه‌و هه‌ردوو ژ هۆزا سمۆقيا و خه‌لكێ دووگرێ نه ل شنگالێ و ماوه‌يه‌كه خه‌ندقين ل كه‌نارێن يونانێ و نهۆ ب پێكۆلێن خێرخوازان ته‌رمێ وان هاتينه ناسين.
تعليقات