ته‌رمێ وه‌لاتيه‌كى ئێزدى هاته ديتن
ئێزديخان نيوز:
خه‌لكێ گوندێ قيبار سه‌ر ب باژێرێ عه‌فرينێ ڤه،دوهى رۆژا پێنج شه‌مبوويێ 10ى ئه‌يارا 2018،ته‌رمێ وه‌لاتيێ ئێزدى "عومه‌ر مه‌مو شه‌مۆ" يێ به‌رنياس ب ئه‌بو حه‌نان ب كوشتى ل مالا وى دا ديتن.
ژێده‌ره‌كى ژناڤ گوندى بۆ مالپه‌رێ(ئێزدينا)خوياكر:ط دگه‌ل كۆنترۆلا سوپايێ توركيا و گرۆپێن توندره‌و يێن بناڤ له‌شكه‌رێ ئازاد بۆ سه‌ر باژێرى ژ ناڤه‌راستا هه‌يڤا ئادارا بۆرى،وه‌لاتى شه‌مو نه‌ڤيا ژ باژێرى ده‌ركه‌ڤت و بتنێ دمالا خۆ دا ما پشتى كورێن وى چۆينه ده‌رڤه‌ى گوندى.
هه‌مان ژێده‌رى خوياكريه،خه‌لكێ گوندى دايه دياركرن كو به‌رى چه‌ند رۆژانه ئه‌و نه‌يێ دياربوويه،ئه‌و رابووينه چۆينه مالا وى و لێگه‌رياينه و ژ نشكه‌كێ ڤه ديت ئه‌و يێ كه‌فتيه سه‌ر ئه‌ردى و يێ مريه ژبه‌ر برينا وى يا تووشى بوويێ ب گوله‌يه‌كێ ل سينگى دا.
ئاشكه‌راكريه ژى چه‌كدارێن له‌شكه‌رێ ئازاد ئه‌و توهمه‌تبارن ب كوشتنا وى،چنكو ئه‌و شه‌ڤانه دچنه دناڤ مالان دا بۆ تالانكرنێ و دزيێ و ده‌سته‌سه‌ركرنا سڤيلان و ترساندنێ،هه‌ر ئێكێ درێيا وان دا ببته رێگر تووشى سڤكاتى و ئازاردان و كوشتنێ دبت.
تعليقات