میرێ ئێزیدیان داخوازا ڤه‌كرنا رێیا شنگال و شێخان ژ پارێزگارێ مووسل دكه‌ت

باسنيوز:

میرى ئێزدیان ل جیهانێ ل قه‌زا شێخان پێشوازیێ ل پارێزگارێ مووسل نوفل عاكوب دكه‌ت ب شێوه‌یه‌كێ فه‌رمى رێیا شنگال و شێخان بهێته‌ ڤه‌كرن.

عسمه‌ت ته‌حسین به‌گ كورێ میرێ ئێزدیێن جیهانێ بۆ (باسنیۆز) ئاشكرا كر "د وێ دیدارێ دا كو پارێزگارێ مووسل سه‌ره‌دانا میرى ئێزدیان ل شێخان كریه‌ و تێدا هژماره‌كا ئه‌ندامێن جڤاتا رۆحانیا ئێزدیان ئاماده‌ ببوون، میرێ ئێزدیان ل جیهانێ ب شێوه‌یه‌كێ فه‌رمى داخواز ژ پارێزگارێ مووسل دكه‌ت رێیا شنگال و شێخان بۆ هه‌موو خه‌لكێ ده‌ڤه‌رێ بهێته‌ ڤه‌كرن.

ئاشكرا ژى كریه‌ كو میرێ ئێزدیان به‌حسێ گرنگیا رێیا شنگال و شێخان بۆ ئێزدیان ژى كریه‌، بۆ هندێ كوردێن ئێزدى بشێن مامه‌لێن خوه‌ ل مووسل و شنگال و ده‌ڤه‌رێن ب سه‌رڤه‌ برێڤه‌ببه‌ن، هه‌روه‌سا به‌حسێ ره‌ڤاندیێن ئێزدى ژى هاتیه‌ كرن بۆ هندێ پارێزگارێ مووسل ده‌ستێ هاریكاریێ بۆ ره‌ڤاندیێن ئێزدى درێژبكه‌ت و هه‌موو بڤه‌گه‌رنه‌ دناڤ كه‌س و كارێن خوه‌ دا.