سبەی كوردێن ئێزیدی دێ ئێكەم تواف گێرن
ئێزیدخان نیوز:
سبەی رۆژا چارشەمبوویێ 11ینیسانا 2018ێ،رێورەسمێن ئێكەم توافا ئێزیدیان دێ ئێنە گێران.
چالاكڤانێ مەدەنی"فاروق شێخ فەخری"بۆ مالپەرێ(ئێزیدخان نیوز)دیاركر:"سبەی رۆژا چارشەمبوویێ توافا شەخسێ باتێ دێ ل كۆمەلگەها بابیرێ دێ ئێتە گێران، كو دبتە توافا ئێكێ ل ناڤ ئێزیدیان رێورەسمێن وێ دئێنە گێران".
زێدەتر گۆت:"ل ڤێ توافێ چەند رێورەسم هەنە ئەو ژی مالا شێخا سماتێ چێدكەن و خەلك ژ هەموو گوند و كۆمەلگەهێن ئێزیدیان تێن زیارەتی دبن و سماتێ دخۆن".
كوردێن ئێزیدی خودان چەندین جەژن و هەلكەفتێن ئایینی نە،تواف ئێك ژ وان هەلكەفتانە كو سالانە ل هەیڤا چار دەست پێ دكەن و هەر گوندەكی و كۆمەلگەهێن ئێزیدیان توافێن خۆ هەنە و دگێرن.
كۆمەلگەها بابیرێ ئاكنجیێن وێ كوردێن ئێزیدی نە و سەر ب ناوچەداریا ئەلقووشێ ڤەیە.
تعليقات