بيره‌وه‌ريا دامه‌زراندنا تیپا گرعزێر یا هۆنەرێ شانۆیێ ل كۆمه‌لگه‌ها شاريا هاته ساخكرن
ئێزيدخان نیوز:باسم قاسم شنگالی
بيره‌وه‌ريا دامه‌زراندنا تیپا گرعزێر یا هۆنەرێ شانۆیێ،ب چه‌ندين چالاكيان هاته ساخكرن.
ئيرۆ شه‌مبوويێ2ى ئادارا2018 ل هۆلا لالش ئێك ل كۆمه‌لگه‌ها شاريا و ب ئاماده‌بوونا ژماره‌كا به‌رپرس و كه‌سايه‌تى و ره‌وشه‌نبير و جه‌ماوه‌ره‌كى زۆر،بيره‌وه‌ريا دامه‌زراندنا تیپا گرعزێر یا هۆنەرێ شانۆیێ هاته ساخكرن.
سالم حسێن،بەرپرسێ تیپا گرعزێر یا هۆنەرێ شانۆیێ بۆ(ئێزيدخان نیوز)گۆت:"ب هەلكەفتا دەربازبوونا بیست سالان لسەر دامەزراندنا تیپێ و رۆژا جیهانی یا شانۆیێ،شانۆگەریا(عاشقێ پەرلەمان) هاتە نمایشكرن ناڤەرۆكا وێ لسەر هندێ بوو ئەم خەلكێ خۆ هشیاركەن دا دەنگێ خۆ نەدەن كەسێن خودان گەندەل وبێ وەفا و ئەم خەلكێ هانددەین بچنە دەنگدانێ ل هەلبژارتنێن پەرلەمانێ عێراقێ كو ل رۆژا 12/5/2018 دێ ئێنە ئەنجام دان".
ئەو چەندە ژی دیاركر:" ئەڤ شانۆگەری ژنڤیسن ودەرهێنانا وی بوو بەرهەمێ تیپا گرعزێرە و شانۆڤانێن ڤێ تیپێ رابوون ب گێرانا شانۆیێ،ماوێ شانۆگەریێ 40 خۆلەك بوون و یا كۆمیدی بوو ونێزیكی 10 ئەكتەران تێدا د پشكداربوون".
بەرپرسێ تیپا گرعزێر خویاكر:"دوو کورتە فلم ژی لسەر داتەشۆیێ هاتنە نیشاندان".
تعليقات