"عاشقێ پەرلەمان"دێ ل كۆمەلگەها شاریا ئێتە نمایشكرن
ئێزیدخان نیوز:
چاڤەرێ یە ل ڤان نێزیكان شانۆگەریەكا كۆمیدی،ل كۆمەلگەها شاریا بێتە نمایشكرن.
سالم حسێن،بەرپرسێ تیپا گرعزێر یا هۆنەرێ شانۆیێ بۆ مالپەرێ(ئێزیدخان نیوز)راگەهاند:"ب هەلكەفتا دەربازبوونا بیست سالان لسەر دامەزراندنا تیپێ و رۆژا جیهانی یا شانۆیێ،شانۆگەریا(عاشقێ پەرلەمان) ل ڤان نێزیكان دێ ل كۆمەلگەها شاریا ئێتە نمایشكرن ناڤەرۆكا وێ لسەر هندێ یە ئەم خەلكێ خۆ شیاركەن دا دەنگێ خۆ نەدەن كەسێن خودان گەندەل وبێ وەفا و ئەم خەلكێ هانددەین بچنە دەنگدانێ ل هەلبژارتنێن پەرلەمانێ عێراقێ كو ل رۆژا 12/5/2018 دێ ئێنە ئەنجام دان ودەنگێ خۆ بدەن وان كەسێن پاقژ وخودان شیان كاربن گل و كۆڤانێن ڤی مللەتی بگەهینن هەر جیەكی".
ئەو چەندە ژی دیاركر:" ئەڤ شانۆگەری ژنڤیسن ودەرهێنانا وی یە و بەرهەمێ تیپا گرعزێرە و شانۆڤانێن ڤێ تیپێ وێ رابن ب گێرانا شانۆیێ".
بەرپرسێ تیپا گرعزێر خویاكر ژی ماوێ شانۆگەریێ 40 خۆلەكن و یا كۆمیدیە ونێزیكی 10 ئەكتەران تێدا پشكدارن.
تعليقات