كوڕەكێ هەلبەست خووندنێ بۆ هەلبەستڤانێن شنگال هات سازكرن
ئێزیدخان نیوز:باسم قاسم شنگالی
ئیرۆ دووشەمبوویێ 5/2/2018،ل ژێر دروشمێ (پێكڤەژیان) كوڕەكێ هەلبەست خووندنێ د بەنگەهێ پێشكێشكرنا خزمەتێن جڤاكی و یاسایی د سەنتەرێ روانگە ل كەمپا كەبەرتوو 2 هاتە سازكرن.
ئەڤ كۆڕێ هەلبەست خووندنێ بۆ چار هەلبەستڤانێن دەڤەرا شنگالێ دناڤ كەمپا كەبەرتوو 1،2 دا هات سازكرن،بناڤێ (داود قیرانی ، داود زەندینی ، عەلدینێ قولۆ، عامر قیرانی) دگەل هۆنەرمەند "حەیدەر رەمبوسی و گۆتنا چەند سترانان.
جهاد،رێكخەرێ چالاكیان د سەنتەرێ روانگە بۆ مالپەرێ(ئێزیدخان نیوز) گۆت:" مەرەما مە ژ ئەڤان چالاكیان ئەو ئەم ئەوان بەهرەمەندێن دناڤ كەمپێ دا چ جاران ژبیرنەكەن و چالاكیان بۆ وان سازبكەن و ژ چالاكیێن سەنتەری بێ بەهر نەكەن،ژبەر ماندیبوونا وان و كارێ وان یێ پیرۆز هەردەم ب پەیڤ و دەنگێ خۆ خوراگرن دبەر وەلاتێ خۆ دا".
زێدەتر گۆت:"سەرارەی ئەو نەخۆشیێن بسەرێ خەلكێ دا هاتین،هەلبەستڤانێن شنگالێ رۆلەكی مەزن هەبوو دڤێ كارەساتێ دا و دەنگێ خۆ گەهاندن جیهانێ ب رێیا پەیڤێن خۆ".
دا زانین ل داویا ڤێ چالاكیێ دیاری بسەر هەلبەستڤانان دا هاتنە بەلاڤكرن.
تعليقات