ئەكتەرەكا ئێزیدی ب رەنگەكی جێواز پشتەڤانیا بارین كوبانی دكەت
ئێزیدخان نیوز:باسم قاسم شنگالی
كچا ئەكتەرا ئێزیدی"نادیا بەشار" وەكو پشتەڤانی بۆ شەرڤانا كورد ل رۆژئاڤایێ كوردستانێ و عەفرینێ "بارین كوبانی" یا ژلایێ سوپایێ توركیا ڤە هاتیە كوشتن،ب رەنگەكی جێواز پشتەڤانیا خۆ بۆ راگەهاند.
نادیا،لسەر تۆرا جڤاكی یا فەیسبۆكێ چەند وێنەیێن خۆ بەلاڤكرینە و دبێژت:"ئەز ب لەش و گیانێ خۆ بەرەڤانیێ ژ شەرڤانێن كورد ل رۆژئاڤایێ كوردستانێ و عەفرینێ ب دژی ئوپزسیۆنا سووریێ و سەربازێن توركی دكەم و ئەو چ جاران نكارن كوردان ژناڤ ببەن و كورد ب كچ و پیر و زارۆكێن خۆ ل عەفرینێ بەرخوەدانێ دكەن و ژناڤ ناچن".
ئاماژە ب وێ چەندێ دایە،شەرڤانێن كورد د ڤلەیا زەیتوونێ دا وەكو زەیتوونێ خوراگرتینە و ئەز ژی ب لەشێ خۆ پشتەڤانیا وان دكەم.
پشتی كۆمكوژیا بسەرێ كوردێن ئێزیدی هاتی ل شنگال، ب تایبەت بەرامبەر دەستدرێژیێن لسەر كچ و ژنێن ئێزیدی هاتینە كرن،كچا ئەكتەرا ئێزیدی ب رەنگ و شێوەیێن جێواز ب هۆنەرێ خۆ بەرەڤانیێ ژ وان دكەت.
تعليقات