سەرۆک بارزانی پیرۆزباھی ل قوتابی و لاوان کر

WAAR-دهۆك:

سەرۆک بارزانی د پەیامەکێ دا پیرۆزباھی ل ئێکەتییا قوتابی و لاوێن کوردستانێ کر و راگەھاند، نھا ئەرکێ قوتابی و لاوان ژ ھەموو دەمەکێ دیتر ھەستیار و زەحمەترە.

سەرۆک بارزانی د پەیاما خوە دا شێست و پێنج سالیا ھەردو رێكخستنێن ئێکەتییێن قوتابی و لاوێن کوردستانێ پیرۆزکر و دیارکر، ئەرک و شوون دەستێ قوتابی و لاوێن کوردستانێ د ھەموو قۆناغێن خەباتا گەلێ کوردستانێ دا دیارە، ھەروەسا ئەو ھەردو رێکخراوە ب جھێ پێگەھاندنا پەروەردەییا کوردایەتی و نشتیمانپەروەریێ ناڤکرن و گۆت: نھا گەلێ کوردستانێ د قۆناغا بەرخوەدان و چەسپاندنا مافێن خو و دەربازکرنا ئاستەنگانە، ئەرکێ قوتابی و لاوان ژی ژ ھەموو دەمەکێ دیتر ھەستیار و زەحمەترە.

سەرۆک بارزانی گۆت ژی؛ پێدڤییە قوتابی و لاوان ژ ھەرەشە و ئاستەنگان بێ ئۆمێد نەبن، گەلێ کوردستانێ و ھێزێن پێشمەرگەی خوەراگریانە قوربانی داینە و ل ھەمبەر دکتاتوریەتێ راوەستاینە و تیرۆر و ھزرا توندرەو شکاند، دوپات ژی کر کو ب شێوەیەکێ ئاشتییانە داخوازا مافێن خوە یێن رەوا کر و ل ھەموو قوناغان دا ب ئیرادەیەکا بھێز بەردەوام بووینە.