كچەكا رزگاربوویا ئێزيدی فلمەكێ دكيۆمێنتی ددەتە دادگەها تاوانێن نێڤ دەولەتی
هەموو ئێش و ئازارێن من ل مووسل بوون و دڤێت دیمەنێن فلمی ل وێرێ ژی بهێنە گرتن
باسنيوز:
كچەكا رزگاربوویا ئێزدی كار ل سەر چێكرنا فلمەكێ دیكۆمێنتی ل سەر تاوانێن داعشێ هەمبەر كچ و ژنێن ئێزدیان دكەت، ئاماژێ ب وێ چەندێ دكەت كو گەلەك فلم هاتینە چێكرن و ب شاشی كچێن رزگاربوویی نیشا جیهانێ داینە و دەمێ ئەڤ فلمە تەمام دبیت بۆ ئێكەم جار دێ دەتە دادگەها تاوانێن نێڤ دەوڵەتی.
(دەلال شرین) كچەكا رزگاربوویا ئێزدی یەخەلكا گوندێ حەردانە ل شنگالێ، بۆ (باسنیۆز) دیار كر، ئەڤە بۆ ماوێ دوو سالایە ل وەلاتێ ئەلمانیا مە ژ بۆچێكرنا فلمەكێ دیكۆمێنتی ب هەڤكاریا نوژدارەكێ ئەلمانی یێ دەروونی و ب هاریكاریا كەنالەكێ برێتانی و پارێزەرەكی ژ دادگەها تاوانێن نێڤ دەولەتی، ئەڤ فلم ل كوردستانێ و ئەلمانیا و سوێسرا هاتیە وێنەكرن و دێ ل نێزیكترین دەم ب داوی هێت.
زێدەتر گۆت: (هندەك ژ فلمی ل شنگالێ ل مالا خۆ چێكریە هەر ژ دەمێ داعش گرتیم و هەتا بریم و ل دەمێ برایێ من ل بەر چاڤێ من كوشتن دێ هەموویێ وێنەكەم، دیسان دڤێت سەرەدانا مووسل و تەلەعفەر ژی بكەم و فلمی ل وێرێ ژی چێكم، چونكو هەموو ئێش و ئازارێن من بۆراندین ل وێرێ بوون).
ئەو چەندە ژی ئاشكەراكر، دەمێ ئەڤ فلمە تەمام دبیت، بۆ ئێكەم جار دێ دەمە دادگەها تاوانێن نێڤ دەولەتی ل لاهای و بۆ فیستەڤالا هەولێر و ئەبو زەبی و ل ئەلمانیا و سینەمایا جیهانی ئێتە پەخشكرن، ژ بەر كو گەلەك فلم ب شاشی و نە دروستی هاتینە چێكرن و كچێن رزگاربووی نیشا جیهانێ دان.
تەكەستكر ژی كو ئەڤ فلمە دێ نامەكا دی بیت بۆ وان كەسێن ل دژی كوردان و دێ بۆ جینۆسایدا ئێزدیان ژی بەلگەیەكێ گرنگ بیت.
تعليقات