لژنا یاسایی زێدەكرنا كورسیكێن پێكهاتێ ئێزیدی ل پەرلەمانێ عێراقێ گەنگەشەكر
ئێزیدخان نیوز:
لژنا یاسایی ل ئەنجوومەنێ نوونەرێن عێراقێ دكۆمبوونا خۆ یا ئیرۆ 18/1/2018 گرێدایی ب سەرۆكاتیا "سەلیم ئەلجبووری"سەرۆكێ ئەنجوومەنێ نوونەران،داخوازا ژبال پەرلەمانتارا كوردا ئێزیدی"ڤیان دەخیل"هاتیە پێشكێشكرن بۆ زێدەكرنا كورسیكێن پێكهاتێ ئێزیدی ل ئەنجوومەنی لدووڤ رێژا وان گونجای بت گەنگەشەكر.
ئیرۆ پێنج شەمبوویێ 18/1/2018،نڤیسینگەها پەرلەمانتارا كوردا ئێزیدی"ڤیان دەخیل" دراگەهاندنەكێ دا راگەهاند:" دكۆمبوونا ئیرۆ یا ئەنجوومەنێ نوونەرێن عێراقێ دا داخوازا ژبال پەرلەمانتار"ڤیان دەخیل"هاتیە پێشكێشكرن بۆ زێدەكرنا كورسیكێن پێكهاتێ ئێزیدی ل ئەنجوومەنی لدووڤ رێژا وان گونجای بت ژلایێ لژنا یاسایی ڤە هاتە گەنگەشەكرن كو داخواز ب بریارا دادگەها ئتیحادی و ئیمزایا (70) پەرلەمانتارا ل پەرلەمانێ عێراقێ هاتیە دان".
دراگەهاندنێ دا هاتیە،لژنێ بریار دایە ڤێ پێشنیارێ بۆ دەنگدانێ ل روونشتنا گشتی دا دەمێ دەنگی لسەر یاسایا هەلبژاتنان ددەن پێشنیار بكەت.
هەروەسا پەرلەمانتار"ڤیان دەخیل" ژ فراكسیۆنان خواست كو دەنگی لسەر پێشنیارێ بدەن ،بۆ پێدانا مافێ پێكهاتێ ئێزیدی بۆ نوونەراتیێ ل پەرلەمانێ عێراقێ.
تعليقات