چالاكڤانەكێ ئێزیدی دراڤێ هەموو جیهانێ یێ بەری 20سالان كۆمكریە
ئێزیدخان نیوز:باسم قاسم شنگالی
دەزگەهێ رەوانگە ، سەنتەرێ پێشكێشكرنا خزمەتێن یاسایی و جڤاكی ب هەڤكاری دگەل چالاكڤان"سعود مستۆ نجم"رێڤەبەرێ كەمپا كەبەرتوو ئێك،ئیرۆ 30/1/2018،پێشانگەهەكا دراڤێن كەڤن ل زانكۆیا پۆلی تەكنیك ل دهۆكێ ڤەكر.
لدۆر ڤەكرنا پێشانگەهێ چالاكڤان"سعود مستۆ" بۆ مالپەرێ(ئێزیدخان نیوز) دیاركر:" ئەڤ دراڤێن من كۆم كرین دگەهتە بەری بیست سالان و هەتا نهۆ من ئەڤ دراڤێ هەموو جیهانێ كۆم كریە ،ب رێیا پتر ژ بیست هەڤالان ل سەرانسەری جیهانێ و كەڤالێن دراڤی دگەهنە 25كەڤالان".
زێدەتر گۆت:"مە لبەرە ئەم پێشانگەهێن ڤی دراڤی ل گەلەك جیان ڤەكەین و بۆ خەلكەكی دیار بكەین،ژبەر ئەڤ پێشانگەهێن بڤی شێوەی دجیهانێ دا دكێمن".
تعليقات