هاریكاریێن مرۆڤایەتی بۆ ئاوارەیێن شنگالێ ل كۆمەلگەها خانكێ كێمبووینە
 |
| ئه‌رشيف |
ئێزیدخان نیوز:
پشتی دائێخستنا فرۆكخانێن هەولێر و سلێمانیێ،هاریكاریێن مرۆڤایەتی یێن رێكخراوان بۆ ئاوارەیان یێن ل دەرڤەی كەمپا خانكێ ئاكنجی كێمبووینە.
پشتی رێكخراوا تیرۆرستیا داعشێ دەست بسەر قەزا شنگالێ دا گرتی ب هەزاران خەلك ئاوارەی دەڤەرێن ئارامێن پارێزگەها دهۆكێ ب تایبەتی بوون،نهۆ دۆرێن(4200)خێزانێن ئاوارە ل دەرڤەی كەمپا خانكێ دناڤ كۆمەلگەها خانكێ دا دژین.
عەنتەر كەلۆ،بەرپرسێ بنگەهێ لالش ل كۆمەلگەها خانكێ بۆ مالپەرێ(ئێزیدخان نیوز)راگەهاند:" ژبەر دائێخستنا فرۆكخانێن هەولێر و سلێمانیێ كارێ گەلەك رێكخراوان هەلاویستی مایە و هاریكاریێن مرۆڤایەتی یێن پێشكێشی ئاوارەیێن دەرڤەی كەمپێ دكەن كێمبووینە،دخوازین رێكخراوان پتر ئاگەه ژ ڤان ئاوارەیان هەبت،چنكو رەوشا وان گەلەك نە یا باشە".
كەلۆ خویاكر:"نهۆ رێكخراوا قەندیل رابوویە ب پێدانا(234)هەزار دیناران بۆ هەر خێزانەكا ئاوارە ل دەرڤەی كەمپێ ل شوونا وەرگرتنا گازا سپی و(3)هەزار خێزان دێ مفاداربن،ئەڤ یەك بوویە جیێ دلخۆشیا ئاوارەیان".
كۆمەلگەها خانكێ سەر ب قەزا سێمێلێ ڤەیە ل پارێزگەها دهۆكێ،نهۆ ب هەزاران ئاوارەیێن شنگالێ لێ ئاكنجی نە.
تعليقات