رۆفاتێن 73ئێزيديان هاتنه ديتن
WAAR-دهۆك:
هێزێن ئیراقی گۆره‌كێ ب كۆم یێ كوردێن ئێزدی ل رۆژئاڤایێ مووسلێ دیت و ل گۆر به‌رپرسێن ده‌ڤه‌رێن داعشێ ئه‌و تاوانه كریه و ب ده‌هان رۆفات د وی گۆری دا هه‌نه.
ئاژانسا فرانس پرێس ژ زارێ شوكر ملحم ئلیاس رێڤه‌به‌رێ ناوچه‌دارییا قه‌حتانیه یا سه‌ر ب شنگالێ ڤه به‌لاڤكر: ئه‌و گۆرێ ب كۆم یێ هاتیه دیتن، رۆفاتێن حه‌فتێ و سێ كه‌سان تێدانه كو زارۆك و ژن ژی د ناڤا وان هه‌نه ل ده‌مێ داگیركرنا وێ ده‌ڤه‌رێ ژ ئالیێ داعشێ ڤه تاوان هاتیه ئه‌نجامدان و پاشان ل ده‌ڤه‌را ره‌مبوورسی یا سه‌ر ب وێ ناوچه‌داریێ ڤه هاتینه بن ڤه‌شارتن.
ژ ئالیێ خوه‌ڤه ئاژانسێ ژ زارێ مه‌حما خه‌لیل ده‌ڤه‌ردارێ شنگالێ به‌لاڤكر: تا نها سیهـ و حه‌فت گۆرێن ب كۆم ل ده‌ڤه‌رێن جودا یێن ده‌ڤه‌ردارییا شنگالێ هاتینه دیتن ژ ده‌مێ كۆنترۆلكرنا وی باژاری ژ ئالیێ پێشمه‌رگه‌ی ڤه ل سالا 2015ێ.
تعليقات