دهۆک-KDP.info-
شیرەتکارەکا پەرلەمێنتۆیا کوردستانێ دبێژیت، گەلێ کورد ئامادەیە هەموو قوربانیەکێ بدەت ژ پێخەمەت بتنێ خۆ بگەهینتە سەرخۆبوونێ، و گەلێ کورد هەموو جۆرێن ستەم و نەخۆشیا دیتینە، ژ تەفکوژی و ئابلوقەیێن ئابووری و کیمیا بارانکرن و ئەنفال بەلێ هەر بەرخودانی کریە.
(سەرۆک بارزانی)، گەلەک جاران دووپاتی ل وێ یەکێ کریە، کو بریارا ریفراندۆما سەربەخۆبوونێ بریارا گەلێ کوردە، و مافەکی رەوایە، وەک چاوان هەموو گەلێن جیهانێ ماف هەیە سەربەخۆبن، گەلێ کورد ژی هەمان ماف هەیە.
(خالیدا خەلیل)، بۆ ماڵپەرێ فەرمیی یێ پارتی دیموکراتی کوردستان گۆت:'' سەرخۆبوون خەونا هەر تاکەکی کوردە ل سەر روویێ زەمینی، و ژ کەڤندا مللەتێ کورد ئازار دیتینە ئامادەیە هەموو جۆرە نەخۆشیەکی ببینیت ژ پێخەمەت بگەهیتە مافێن خۆیێن رەوا، کو مللەتەک تەفکوژی و ئەنفال و ب دارڤەکرن و کیمیا بارانکرنا ب سەری هاتبن کو بتنێ ئارمانجا وی ئەوە مافێن خۆ ب دەست خۆ بێخیت.
سەرۆکێ هەرێما کوردستانێ د بانگەشەیا ریفراندۆمێ دا دیارکر مە پێشبینی دکر، ئەو وەڵاتێن جیهانێ ل هەمبەر ڤێ قوربانیا مە دایی دێ پشتەڤانێن مەبن بۆ سەربەخۆبوونا کوردستانێ، بەلێ ئەگەر نکارن پشتەڤانێن مەبن، بلا ب دژی مە ژی نەبن.
(خالیدا خەلیل)،ئەو یەکە ژی گۆت:'' کورد هەردەم چاڤەرێ ڤان رۆژا بوون کو ب دەستێ خۆ چارەنڤیسێ خۆ دیاربکەن، و ریفراندۆم وەسیلەیە بۆ گەهشتن ب سەرخۆبوونێ ئەوژی ب رێکیێن دیموکراسی ئەڤا مە کری ب هەموو شێوەیان ل گۆر هەموو پیڤەرێن دیموکراسیێ بوو، و مافەکی سروشتی بوو، کو د هەموو بەلگەنامە و بریارێن نیڤدەولەتیدا هەیە.
ڤێ شیرەتکارا پەرلەمێنتۆیا کوردستانێ دیارژی کر، ئەڤ بۆچۆن و گەف و هەرەشەیێن ل دەردۆری مە رامانا هندێ یە کە ئەم هەر دەم قوربانیێن جیوگرافیا خۆینە، ئەڤ گەفە بووینە نەخۆشی ل سەر مە، ئەڤجا ئەم دێ چاوان ل گەل مێشکێن وەسان ژین، ئەڤا نها بەغدا ژی دکەت کێمتر نینە ژ ئەنفال و کیمیابارانکرنا هەلەپچە.
نڤیسینگەها (حەیدەر عەبادی)، سێ خاڵ وەک پێشمەرج بۆ دانوستاندنان ل گەل هەرێمی دیارکرن، و ئێک ژ واناژی بەغدا دڤێت هەرێما کوردستانێ ئەنجامێن ریفراندۆمێ هەلبوەشینیت، دەربارەی ڤێ یەکێ ناڤهاتی گۆتژی:'' سەرکردایەتیا سیاسی یا کوردستانی هەردەم د رێکێن دیالۆگێ دڤێت، و ل چارەسەرییا دگەرێت، بەلێ ئەوان هەموو رێک گرتینە و بەندیێن یاسایی و دەستووری پێشێلکرین، و چونکە دەستووری ماف و رێک ب چ لایەنی نەدایە هێزێ بەرامبەری نفشێن وی وەڵاتی بکاربینیت، بەلێ حکومەتا عیراقێ ئەف مافە بخۆ دا.''
تعليقات