WAAR-دهۆك:
پرۆسەیا دەنگدانا سەرخوەبوونا کوردستانێ ئەڤرۆ ھات ئەنجامدان و ل گۆری داوی ئامارێن کۆمسیۆنێ، رێژەیا پشکدارییا خەلکێ کوردستانێ پتری ھەشتێ سەدێ بوو.
پشتی دەرگەھێن بنگەھێن دەنگدانێ یێ دەنگدانا رێفراندۆما سەرخوەبوونا کوردستانێ ل دەمژمێر حەفتی ئێڤاری ھاتین داخستن، دەست ب ڤاڤارتنا دەنگان ھاتییە کرن.
شورەش حەسەن رێڤەبەرێ گشتیێ فەرمانگەھا پەیوەندی و راگەھاندنێ یێ کۆمسیۆنا بلندا سەربخوەیا ھەلبژارتنان و راپرسیێ یا کوردستانێ بۆ وار راگەھاند؛ رێژەیا پشکداریێ د دەنگدانا پرۆسەیا رێفراندۆما سەرخوەبوونا کوردستانێ دا ل سەرانسەری ھەرێما کوردستانێ و دەڤەرێن دەرڤەی ئیدارەیا ھەرێمێ، پتری ھەشتێ سەدێ بوو.
کۆمسیۆنا بلندا سەربخوەیا ھەلبژارتنان و راپرسیێ دیارکر ژی، کو بریارە ئیشەڤ ئەنجامێن دەستپێکی یێن رێفراندوما سەرخوەبوونا کوردستانێ بھێن راگەھاندن.
ل گۆری ئاگەھیێن پەیامنێرێن وار، رێژەیا پشکدارییا خەلکێ دھۆکێ پتری نۆت ژی سەدێ بوو، زاخۆ نێزیک نۆت و پێنج ژ سەدێ، ھەولێر ژی پتری ھەشتێ ژ سەدێ، ھەروەسا ل پارێزگەھا کەرکووکێ ھەشتێ و پێنج ژ سەدێ.
تعليقات