بێشکچی: تاکە دەرمانێ برینێن ئێزدیان سەرخوەبوونا کوردستانێ یە

WAAR-دهۆك:

 کەساتیەکێ کوردێ ئێزدێ راگەھاند؛ بیرمەندێ مەزنێ تورکیا و دۆستێ گەلێ کورد ئسماعیل بێشکچی ب وان گۆتیە، ب تنێ سەرخوەبوونا کوردستانێ دشێت کارەساتێن دژی ئێزدییان راوەستینیت.

شێخ زێدۆ باعەدری بۆ مالپەرێ پارتی راگەھاند؛ بیرمەندێ مەزنێ تورک و دۆستێ گەلێ کورد ئسماعیل بێشکچی، پشکداری د فەستیڤالا پشتەڤانییا رێفراندۆمێ دا ل باژارێ کۆلن یێ ئەلمانی کر و پەیڤەک پێشکێش کر.

زێدۆ باعەدری ئاشکرا کر؛ بێشکچی ب وان گۆتیە؛ چەند کارەساتێن دی ژی ب سەرێ ئێزدییان بھێن، حکومەتا ئیراقێ لێ نابیتە خودان و بۆ خەم ژی نینە.

بێشکچی گۆت ژی؛ پێدڤییە ئەو دەڤەر ڤەگەرنە سەر ھەرێما کوردستانێ، گەر نە ڤەگەرن ژی کارەساتێن دژی ئێزدیان دێ دوبارە بن، دەرمانێ ئێکانەیێ برینێن ئێزدیان ژی ب تنێ سەرخوەبوونا کوردستانێ یە و ئێزدی دێ تێدا ھێنە پاراستن.

ئسماعیل بێشکچی دۆستێ گەلێ کوردە و زێدەتر ژ سیھـ پرتووکان ھەنە، چەندین پرتووک ژی ل سەر دۆزا گەلێ کورد نڤیسینە.