مووچەیەکێ ھەیڤانە بۆ ژنێن رزگاربوويێن ئێزدى هاته دابينكرن
بادينان سات:
رێزان شێخ دلێر ئەندامێ لیژنا کاروبارێن ژنان د جڤاتا نوینەرێن عیراقێدا ئاشکرا کر، حکومەتا عیراقێ بریار دایە مووچەکێ ھەیڤانە بۆ وان ژنێن ئێزدی دابین بکەت یێن ل قەزا شنگال ژلایێ چەکدارێن داعش ڤە ھاتینە رەڤاندن و پاشان ھاتینە رزگارکرن.
رێزان شێخ دلێر گوت: ھەر کچەک یان ژنەکا ئێزدی یا ژ نوکە پێڤە ژی دھێتە رزگارکرن، دێ ناڤێ وێ د لیستا مووچەی دا ھێتە تومارکرن و ئەو مووچە دێ ژلایێ وەزارەتا کار و کاروبارێن کومەلایەتی ڤە ھێتە دان.
دەرباری گوژمێ مووچێ بریارە بھێتە دان ژی، ناڤبری خۆیا کر، مووچە ژ ١١٠ ھزار دینارا دەست پێ دکەت ھەتا دگەھیتە ٤٢٠ ھزار دینارا، بەلێ ئەگەرا جیاوازیا مووچێ وان دیار نەکریە.
تعليقات