ئەنجامدانا ريفراندۆمێ دەرفەتەك زێرینە بۆ ئێزدیان/عه‌زيز شه‌ركانى
ئەنجامدانا ريفراندۆمێ دەرفەتەك زێرینە بۆ ئێزدیان
عه‌زيز شه‌ركانى
ئەنجامدانا ريفراندۆمێ دێ چارەنڤیسێ ئێزدیان دیاربكەت و دەرفەتەك زێرینە بۆ ئێزدیان،بۆ دیاریكرنا چارەنڤیسێ خوە پێش هەر مللەت وپێكهاتەیەكێ دن.
ناڤچەیێن وەلات شێخ كو سەر ب پارێزگەها دهۆكێنە ژ مێژە بریارا خۆ داینە و خۆ ژ لالشا نورانی قوت ناكەن،ل هەمان دەم دا شێخان ژی هەمان بریار دایە، مایە شنگال وباشیك وبەحزان بریارا خۆ بدەن ،نیڤێ دەنگان زێدە یەك دەنگ ژدەنگێ خەلكێ ڤان دەڤەران دێ سەر بكەڤێ ئەڤ سەركەفتنە یان بەلێ بۆ عێراقێ یانژی بەلێ بۆ كوردستان ،بێگومان ئەوێن كو دەنگ ناده‌ن وبێژن بلا سەربەخۆبن دەنگێ وان وندادبن، ژبەركو مەحالە دەولەتەك سەربەخۆ بۆ چار گوندان بێتە راگەهاندن، مه‌بەست ئەوە خەلكێ شنگال وباشیك وبەحزانێ دێ بریارا خۆ بدەن مێژویێ خۆ دگەل عێراقێ ل ڤێرێ ب داوى بینن یانژی درێژیێ ب وێ مێژویی تەعل بدەن ودگەل عێراقێ بژین دەرئەنجام بریارا وان دێ ئەو بێ، یان خۆ ل باوشێ عێراقێ بگرن یانژی بێنە هەمبێزا كوردستانا سەربەخۆ ناڤ جەرگێ لالشا نورانی.
هیڤی دكەم ئێزدی ب عەقلانە بریارا خۆ بدەن و پاشەرۆژا زارۆكێن خۆ ل بەر چاڤ بگرن و مێژویێ تەعل دگەل حكومه‌تێن یەك ل پشتی یەك یێن عێراقێ ژبیر نەكن ،وبروحیەتەكە نەتەوایەتی ونشتیمانپەروەرانە بریارا خۆ بدەن.
تعليقات