سوپایێ توركیا گوندێن ئێزدیان بوردۆمانكرن
ئێزدیخان نیوز:
سوپایێ توركیا چەند گوندێن ئێزدیان ل دەڤەرا عەفرینێ ل وەلاتێ سووریا بوردۆمانكرن،دئەنجام دا ب ئێكجاری ئەو گوند حەموو ڤالابوونە و رەوشا ئێزدیا خرابە.
سەرحان عیسى،پەیڤدارێ ئەنجوومەنێ ئێزدیێن سووریا ب مالپەرێ(ئێزدیخان نیوز)راگەهاند،دوهی رۆژا ئێك شەمبوویێ 25حوزەیرانا 2017ێ،چەند گوندێن ئێزدیان وەك قەستەل جندو و هندەكێن دی ل عەفرینێ ژلایێ سوپایێ توركیا ڤە هاتنە بوردۆمانكرن وەكا خەلكێ ئێزدی ل وێ دەڤەرێ ئەم ئاگەهداركرین،ئەو گوند حەموو ڤالابووینە ب جارەكێ خەلكێ باركرنە و كەس لێ و نەمایە رەوشا ئێزدیا ل عەفرینێ گەلەك خرابە".
گۆتژی مخابن ئێزدی ژلایی تەڤگەرا سیاسی یا كوردی هەم ژلایێ تەڤگەرا لەشكەری و سیاسی ڤە هاتینە پشتگۆهاڤێتن،گەرەكە راگەهاندنا كوردی بال بكشینە سەر ڤان بوویەرا و رەوشا ڤی خەلكی،هەروەسا ژتەڤكەرا سیاسی یا كوردی دئێتە خواستن كو ل ڤی خەلكی خوەدی دەركەڤن و چما كەسەك هاریكاریا ئێزدیا ناكەت و ئەو ب تنێ نە رووبرووبوونا چارەنڤیسێ خۆ دكەن.
هەروەسا ئەو چەندە ژی راگەهاند،هیڤیدارن تەڤگەرا سیاسی یا كوردی دانوستاندنێ دگەل ئێزدیا بكەت و ل پرسا وان خوەدی دەركەڤن.
تعليقات