رۆژيێن چلێ هاڤینێ/مه‌هدى حه‌سه‌ن
رۆژيێن چلێ هاڤینێ/مه‌هدى حه‌سه‌ن
دەروێش و شکەستی و زانایێن ئۆلا ئێزدیا و هەر کەسەکێ بڤێت ، چل رۆژیا دگرن، ژ (۱۱)ی حوزه‌یرانێ هەتا(۲۰)ی تیرمەهێ ب هژمارا رۆژهەلاتی و(۲۰) ی تیرمەهێ دبته جەژن، یانكو ٢٤/حوزه‌یرانێ دەستپێدکەت وهەتا ۲ تەباخێ ب هژمارا زاینی ، ئانکو ٤٠ رۆژن وەکی دیار ئەڤ جەژن ب دەمی ڤه یا گرێدایه د ڤان رۆژێن گەرم و درێژ دا زەلامێن ئۆلی و هەر ئێزدییەکی بڤێت چل رۆژی یان ژبۆ خودێ دگرت ،یانكو ئەو کەسێ چلێ هاڤینێ ب رۆژی دبت ، دبێژنێ ( چلەگر) د رۆژا داويێ دا ژ چەلەیی دبته جەژن و رێ و رەسمێن ڤێ جەژنێ ل پەرستگەها پیرۆزا لالش ، ب ڤی ئاوایی دئێنه گێڕان :
۱- ئێزدی قەستا پەرستگەها پیرۆزا لالش دکەن.
۲-ل مەزار و نیشانگەهێن خاسا زیارەتی دبن.
۳- هیڤی و دوعایا دکەن.
٤- خۆ و كەس و کارێن خۆ ب ئاڤا زمزمێ سەلادکەن.
۵- کەسێن نە مۆرکری ب ئاڤا کانیا سپی مۆردکەن.
٦- مجێور و سەردەریێن خاسا سماتێ چێدکەتن.
۷- ل هێڤاران دیندارسەمایێ د کێشن.
٨- قەول و به‌یت و قەسیده دئێنه ب رێزکرن و دەڤ و شەباب دئێنه لێخستن.
٩- ل گوندا هەر مالەک سەربرەکێ سەر ژێدکەن.
هەر بۆزانین فەره چلەگر چلێ زڤستانێ ژ ٢٤ هەیڤا کانونا ئێکێ دەستپێدکەت و هەتا (۱) هەیڤا سباتێ ب هژمارا زاینی دیسا ل رۆژا٤٠ دبته جەژن رێ و رسمێن ڤێ جەژنی هەر وەکی یێن جەژنا چلێ هاڤینێ نه ل پەرستگەها لالش دئێنە گێران.
تعليقات