پرۆژه‌يه‌كێ مه‌زن دێ ل ناوچه‌داريا سنوونێ ئێته بجهئينان
سنوونێ-KDP.info-
بەڕێوەبەری شارەدێی سنوونێ رایگەیاند، پڕۆژەیەكی گەورەی كارەبا لەناوچەكە جێبەجێ دەكرێت و لە ماوەیەكی نزیكدا ناوچەكە ڕووناك دەكاتەوە، بەوەش كێشەی كارەبا لەناوچەكە كۆتایی پێ دێت، ئەوەش كاریگەری لەسەر گەڕانەوەی هاووڵاتیان دەبێت، كە دوای داخستنی دەرگای قوتابخانەكان رۆژانە خەڵكێكی زۆر دەگەڕێتەوە، كە تا ئێستا 9 هەزار خێزان گەڕاونەتەوە.
(نایف سەیدۆ)، بەڕێوەبەری شارەدێی سنوونێ بۆ ماڵپەڕی فەرمیی پارتی دیموكراتی كوردستان گوتی: وەك لایەنە پێوەندیدارەكان بەردەوام بە دواداچوون بۆ كێشە و گرفتەكانی خەڵك دەكەین، پڕۆژەیەكی گەورەی كارەبا كە پڕۆژەكە 132kv لە ناوچەكە جێبەجێ دەكرێت و لە ماوەیەكی نزیكدا دەكەوێتە خزمەتی هاووڵاتیان و بەوەش كێشەی كارەبا لە ناوچەكە نامێنێت، ئەوەش كاریگەری لەسەر گەڕانەوەی هاووڵاتیان دەبێت.
گوتیشی: لەو گوند و كۆمەڵگانەی پەكەكەی لێ نییە ژیان تێدا ئاساییە و خەڵكێكی زۆر گەڕاوەتەوە سەر ماڵ و حاڵی خۆیان و رۆژانەش گەڕانەوەی خەڵكی ئەو ناوچانە بەردەوامە، بەتایبەتی دوای تەواوبوونی پرۆسەی خوێندن، كە بەپێی دواین ئامار 9 هەزار خێزان گەڕاونەتەوە سنووری سنوونێ و دەوروبەری، بۆیە لەو باوەڕەدامە ئەگەر هێزە نایاساییەكانی وەك پەكەكە و حەشدی شەعبی لەو ناوچانە نەمێنن، خەڵكی ئەو ناوچانە هەموو دەگەڕێنەوە سەر ماڵ و حاڵی خۆیان و ژیان لەو ناوچانەدا تەواو ئاسایی دەبێتەوە".
تعليقات