100سال ل سەر كوشتارا كوردێن ئێزدی ل توركیا بۆرین
ئێزدیخان نیوز:
دوهی رۆژا ئێك شەمبوویێ 11حوزەیرانا 2017ێ،بنگەهێ ڤەكۆلین و خووندنێن ئێزدیا ل مالا ئێزدیان ل باژێرێ ئۆلدنبۆرك ل وەلاتێ ئەلمانیا،روونشتنەك ل دۆر كوشتارا كوردێن ئێزدی ل توركیا(كوشتارا باسییان) ئەنجام دا،پشتی بۆرینا 100سالان ل سەر ڤێ كارەساتێ.
ئەڤ رونشتنە ژبال ڤەكۆلەرێ ئێزدی"پیر خدرسلێمان" ڤە هاتە ب رێڤەبرن ب پشكداریا"عەسكر بویك"رێڤەبەرێ بنگەهی و "سەیدق باسی" و" كرێت نەمر"نەڤیێن رزگاربوویان ژ كوشتارێ و "شڤان شێخ عەلۆ".
دڤێ روونشتنێ دا چەند تەوەر هاتن بەحسكرن ژوانا ئەوا تووشبوویێ هۆزا ئەلباسی دوی ماوەیی دا ژ گرتن و كوشتنا ئێزدیان و سۆتنا مالێن وان ل سەر دەستێ ئۆسمانیان و رەڤینا یێن ژێ مایین بۆ باكوورێ عێراقێ ل كۆمەلگەها شاریا ل پارێزگەها دهۆكێ،ئەگەرێن ڤێ كوشتارێ هاتن دیاركرن ئەوا چێبوویی ژبەر ڤەحواندنا ئەرمەنان ژ بال ئێزدیان ڤە ئەوێن ل رەخێن گوندێن ئێزدیان ئاكنجی.
بۆ زانین نەڤیێن رزگاربوویان ژ كوشتارێ،نۆكە ل كۆمەلگەها شاریا ل گوندێ كەلێ بەدرێ و بەشەكێ دی ل وەلاتێ ئەلمانیا دژیت.
تعليقات