چیرۆکا رزگارکرنا زارۆکەکا ئێزدی ژ دەستێ چەکدارێن داعشێ
ئێن ئارتى/تایف گۆران- بەردەرەش
چیرۆکێن ئێزدیێن رزگاربوویێ دەستێ داعش ب دوای ناهێن، لێ چیرۆکا ڤێ جارێ جودایە ، نوهاد د ژیێ ٢ سالیێ دا کەتە دەستێ داعش، بەریا رەڤاندنا وێ چەند پەیڤەکێن کوردی دزانین لێ پشتی بورینا سێ ساڵان دبن دەستێ داعش ئەو پەیڤ ژی ژبیرکرنە وب عەرەبی دئاخڤە.
نوهاد نەک بتنێ کوردی ژبیرکریە، بەلکو رەنگ و دەنگێ بابێ خوە ژی ژبیرکریە و وی ناس ناکەت.
نوهاد ژ باڵ هێزا دژه تیرۆرێ هاتیه رزگاركرن ، و فه‌رمانده‌یەکێ دژه تیرۆرێ دبێژه ئۆپراسیۆنێن وان به‌رده‌وام دبه ژبۆی رزگاركرنا زارۆک و كچ و ژنێنن دی یێن ئێزدی.
هه‌رچه‌نده ٢٢ كه‌سێن دن ژ ماڵباتا بابێ نوهادێ دده‌ستێ داعشێ مانه، پێ دچە ڤه‌گه‌رینا نوهادێ هندەک ژ برینێن وی ساخ بکەت و خەما وی یا گران سڤکتر بکەت.
چەکدارێن داعشێ ل ٣ێ ئابا ٢٠١٤ێ هێرش کرنە سەر شنگالێ و کۆنترولکرنك د هێرشا چەکدارێن داعش بۆ سەر شنگالێ زێدەتر ژ ٥ هەزار وەلاتیێن ئێزدی هاتن کوشتن و زێدەتر ژ ٥ هەزار وەلاتیێن ئێزدی ژی هاتنە رەڤاندن کو پرانیا وان ژن و زارۆک بوون و زێدەتر ژ ٤٠٠ هزار ئێزدی ژی ئاوارەبوون.
رێکەتی ١٣ێ تشرینا دووەما ٢٠١٥ێ ژی هێزێن پیشمەرگە و یەپەگێ و یەپەژێ و ب پشتەڤانیا فرۆکێن هەڤپەیامانان باژێرێ شنگالێ ژدەستێ چەکدارێن داعشێ کۆنترولکرن.
قەزایا شنگال سەر ب پارێزگەها نەینەوا و ١٤٠ کیلۆمەتران ژ ناڤەندا باژێرێ موسلێ دویرە.
تعليقات