دووەمین دیدارا لالش ل سەر (پێشەرۆژا ئێزدیان و دەڤەرێن دەشتا نەینەوا پشتی نەمانا داعش) ب رێڤەچوو
تۆرا لالش یا راگەهاندنێ
ئیرۆ رۆژا پێنج شەمبوویێ 11ئەیارا 2017ێ،ب هەلكەفتا 24سالیا دامەزراندنا بنگەهێ لالش و ل ژێر دروشمێ(پێشەرۆژا ئێزدیان و دەڤەرێن دەشتا نەینەوا پشتی نەمانا داعش)،دیدارا دووێ یا لالش ل هۆلا بنگەهی هاتە سازكرن،ب ئامادەبوونا بەرپرسێن حزبی و ئیداری و رەوشەنبیری و كەسایەتیێن ئێزدی.
ل پەنەلێ ئێكێ دا و ل بەراهیێ وەك رێزگرتن بۆ گیانێ پاكێ جانگۆریێن كوردستانێ ئامادەبوویی خۆلەكەكێ سەكنین،پاش بەرێز"شێخ شامۆ" سەرۆكێ دەستەیا بلندا بنگەهێ لالش بخێر هاتنا حەموو كەسایەتی و بەرپرسێن دام و دەزگەهێن ئیداری و سیاسی و رەوشەنبیری كر و دپەیڤەكێ دا دیاركر كو ئەڤ دیدارە هەڤدەمە دگەل بۆرینا 24سالان ل سەر دامەزراندنا بنگەهێ لالش و ئازادی ژبۆ ئێخسیرێن دناڤ دەستێن درندا دا و ژیانەكا خۆش ڤەگەرنە ناڤ خەلكێ مەیێ ئاوارە و ڤەگەرنە سەر جی و وارێ خۆ ب خۆشی،بەری 24سالا مینا سبەی 12/5/1993ێ دەربازبوونا ئازادیا كوردستانێ دا بنگەهێ لالش وەك دەستكەفتەكێ بزاڤا رزگاریخوازا كورد ل سەر دەستێ چەند كەسانێن شارەزا و دلسۆزێن ئێزدیاتیێ و كوردایەتیێ ل دهۆكا داسنیا لڤی جهی و ئاڤاهیەكێ كەڤنار سەرهەلدا،راستە گەلەك گلێ و ئاستەنگ كەفتنە دپێشیا بنگەه دا لێ خەمخۆریا وان كەسانێن بنگەه ب رێڤەدبر و وان دەستەكێن رێڤەبەر و كۆنگرە كۆنگرە باوەری ژ ناڤ ئەندامێن خۆ وەرگرتین كاروانێ ڤی بنگەهی نەسەكنی،تیرۆشكێن پشتی 24سالا و 13كۆنگرا و ئەرشیفەكێ زەنگین و رەنگین یێ باوەرێ ئێزدیناسیێ،كلتۆرێ كەڤن یێ باب و كالا و هەتا هەفت هەزار ئەنداما خودان باوەرنامە ئیرۆ ناڤێ خۆ بنگەهە،دناڤ ئەزمونا ئازادیا كوردستانێ دا و دەزگەهێن دیتر یێن كوردستانێ دا دەزگایەكی سەنگ و سەروەرییا خۆ هەیە،ئیرۆ حەموو دەزگەهێن كوردستانێ قەدرێ وی دزانن كا چەند دسیاسەتا نەتەوەیی دا دچارچووڤەیێ كوردستانێ دا كەد و خەباتا خۆ یا راست دمەشینت.
هەر دبەردەوامیا پەیڤا خۆ دا شێخی دیاركر:"بڤێ هەلكەفتێ ئەم گەهشتینە وێ باوەریێ دڤان 24سالێن دەربازبوویی دا،گاڤا كلتۆرێ كەڤن یێ باب و كالا مللەتێ كورد ژ جەمادا داگیركەرا داوەشینێ ستوونا سەرەكی یا ئاڤاكرنا ناڤ مالا كوردی و پەیداكرنا پێكڤەژیانەكا ساخلەم ئەوا توو ژ ڤێ قرێژیێ دەرباز دكەی،ئیرۆ دڤێ قۆناغا نازك دا بنگەهێ لالش كاڤ ب گاڤ لگەل روودانا گاڤا خۆ دهاڤێژە و مە ب فەرزانی ل ڤێ بیرهاتنێ ئەڤێ دیدارێ لداربخن و دیدارا دووێ تەمامكەرا دیدارا ئێكێ یە یا بناڤێ(ئێزدی و دەولەتبوونا كوردستانێ) و دیدارا دووێ گرێدایی رەوشا ئێزدیایە و هەر رەوشەكا توو شرۆڤەدكەی توو بەحسێ چارەنڤیسێ كوردستانێ بگشتی دكەی و ئێزدیا ب تایبەتی دڤێ قۆناغا نازك دا،بەرێ دقۆناغەكا نۆرمال دا مە دگۆت بنگەهێ لالش پرەكا دەربازبوونێ یە ژ تاریستانێ بەرەف شارستانێ،دڤێ قۆناغا نازك دا ئەركێ بنگەهی یە پرەكا پێشوازیكرنا پێشهاتا با ژبوونا گەهاندنا پەیاما دروست و پاك،لەوما بنگەهی ب ئەركێ خۆ زانی دڤێ قۆناغێ دا ڤان دیدارا لداربخە و توو تەماشەی ئەدرێس و دروشمێ ڤێ دیدارێ بكەی ژ روویێ سیاسی و لەشكەری و ئیداری و ئەكادیمی ڤە شرۆڤەكرنەكێ بكەتە سەر وان دەڤەرێن مە یێن ئێزدی لێ دئاكنجی كو 90%گرێدایی مادێ 140ژ وان دەڤەرا شنگال و دەشتا نەینەوا،ئاشكەراكرژی دەستێوەردانێن بەردەوام هەنە و داردەستێن داگیركەرا بەردەوام هەول ددەن دەڤەرێن مە ژ كوردستانێ قوت بكن و ئاستەنگا دكن و بكەنە ئەجیندایێن هەرێمایەتی و ئەڤە خۆ بخۆ خزمەتا ئێزدیا ناكە و پاشەرۆژا ئێزدیا دئێخستە دمەترسیێ دا،لەوما دگەل هەر قۆناغەكێ دڤیا ئەم دهشیار بن و چاوا سەرەدەریێ لگەل هەر روودانەكێ بكن ئەوێن ل دەڤەرا مە دئێنە پێش.
ل پەنەلێ دووێ دا،چەند پرسەك لگەل بەرێزان"سەربەست لەزگین"ئەندامێ سەركرادیەتیا پارتی دیموكراتی كوردستان و چاڤدێرێ لەشكەری ل شنگال و "جەمیل خدر عەبدال"بەرپرسێ مەلبەندێ شنگال یێ ی_ن_ك و "مەحما خەلیل"قایممقامێ شنگالێ و د."بەیار"شارەزا دوارێ سیاسەتا توركی دا،ل دۆر پێشەرۆژا شنگال و دەڤەرێن دەشتا نەینەوا پشتی نەمانا داعش هاتنە ئاراستەكرن و هەر ئێكێ بۆ ماوێ پازدە خۆلان بەحسێ بابەتی كر.
ل داویێ دەرگەهێ پرسیاران هات ڤەكرن و ئامادەبوویان پرسیار ئاراستە كرن و بەرسڤ ل سەر هاتە دان.
تعليقات