بنگەهێ لالش:"ب ئەنجام دانا ریفراندومێ دێ شنگال ئارام بت "
ميديا دهۆك
بنگەهێ لالش دایە دیارکرن ئەگەر ریفراندوم بهێتە ئەنجام دان دێ شنگال بیتە دەڤەرەکا ئارام و پتریا خەلکێ شنگالێ دخوازن بسەر هەرێما کوردستانێ ڤە بن
بەرپرسێ بنگەهێ لالش ی رەوشەنبیری و کومەلایەتی تایێ شنگال میرزا خشو ب مالپەرێ باس نیوس دایە دیارکرن "کلیلا چارەسەرکرنا ئێش و ئازارێن شنگالیان وپەیدا بونا ئارامیێ ل دەڤەرا شنگالێ ئەنجام دانا ریفراندومێ یە .
هەروەسا دیار ژی کر " ئەگەر شنگال و هەمی دەڤەرێن سەر بشنگالێ ڤە بەرەڤ ریفراندومێ ڤە نەچن پێشبینیا کارەساتەکا دی ل شنگالێ دهێتە کرن ، ژبەر ڤێ چەندێ ژی ئەم دخوازین کو شنگال ل دەمەکێ نزیك ببیتە پارێزگەهـ و سەر ب هەرێما کوردستانێ ڤە بیت وریفراندوم بهێتە ئەنجام دان .
ئەڤە ددەمەکێ دایە کو شنگال توشی کارەساتێ بویە دشەرێ داعشێ دا ل روژا ٣/٨/٢٠١٤ و چەندین کەس هاتنە کوشتن و دەستە سەر کرن و هەتا نوکەژی چارەنڤیسێ وان نەیێ دیارە وبەردەوام پێكولان دکەن کو چارەنڤیسێ خو دیار بکەن وپتریا خەلکێ شنگالێ ژی ب تایبەت ئێزدی دخوازن ب فەرمی سەر بهەرێما کوردستانێ ڤە بن.
تعليقات