شێوەكارەكێ ئەرمینی چەندین تابلۆ ل سەر جینۆسایدا ئێزدیان ل شنگالێ وێنەكرینە
ئێزدیخان نیوز:
ڤەكۆلەرێ ئێزدی"داود موراد خەتاری"دیاركر،هۆنەرمەند"میران ئاوكی" ل سالا 1949ل گوندێ رێیا تازە ل رۆژئاڤایێ وەلاتێ ئەرمینیا ژ دایك بوویە،دەرچوویێ پەیمانگەها خووندنا هۆنەری یا بلندە،وەك مامۆستایێ هۆنەری ل قوتابخانا ئابوفیان ل وی وەلاتی هاتە دامەزراندن،پشتی هنگی هاتە ڤەگوهاستن بۆ قوتابخانا رێیا تازە و شانۆیەك دامەزراند و چەندین شانۆگەری پیشانداینە،پاش كۆچكرە جۆرجیا بۆ ماوێ چار سالا بۆ خووندنێ و پێشكێشكرنا چەندین شانۆگەرییان،پاش بەرەف ئەلمانیا چوو و ل وێدەرێ ما.
ئاوكی ل سالا 1970ێ دەست ب كارێ هۆنەری كر و 300تابلۆ ب رەنگێن زەیتی وێنەكرن دگەل دەرهێنانا چەندین شانۆگەرییان،بەشداری دچەندین پێشانگەهێن هۆنەری ل ئەرمینیا و جۆرجیا و ئەلمانیا كریە.
دەمێ بەرێ خۆ ددەیە هەر تابلۆیەكێ ل سەر چیرۆكەكێ دئاخفت،ژوانا كۆچكرن و كۆمكوژییا بكۆم و دەردەسەری ل چیایی ل رۆژانێن فەرمانان و هتد.
ناڤهاتی شێوەكارە ژی و دبێژت:گەلەك ئێشام ژ هەوا داویێ ل سەر ئێزدیان و چەندین تابلۆ من وێَنەكرینە ل سەر جینۆسایدا ئێزدیان ل شنگالێ.
تعليقات