تۆرا لالش یا راگەهاندنێ
ئیرۆ رۆژا سێ شەمبوویێ 25نیسانا 2017ێ،بەرێز"شێخ شامۆ" سەرۆكێ دەستەیا بلندا بنگەهێ لالش عەمید"هەلگورد" رێڤەبەرێ راگەهاندنا وەزارەتا پێشمەرگەی ل حكومەتاهەرێما كوردستانێ ب ئارمێ بنگەهێ لالش خەلاتكر.
د هەڤدیتنێ دا بەرێز"هلگرت"سوپاسیا سەرۆكێ بنگەهێ لالش كر بۆ ڤێ خەلاتكرنێ و دووپاتكر كو بنگەهێ لالش جهەكێ مەزن دگۆرەپانا رەوشەنبیری یا كوردی دا هەیە و دبینم ئەڤ بنگەه دێ ببتە لێڤەگەرەكێ رەوشەنبیری بۆ ئێزدیان د چارچۆڤەیێ سیاسەتا نەتەوەیی دا.
ل پێرا بەرێز"شێخ شامۆ"ئاماژەكر كو چالاكیێن مەیدانی یێن رێڤەبەریا راگەهاندنا وەزارەتا پێشمەرگەی رۆلەكێ كارا و باش دگۆرەپانا كوردی دا هەیە و دێ پتر بتە پالدەرەك بۆ رەوشەنبیران و چالاكڤانان.
ژلایەكێ دیڤە شێخی خەمباریا خۆ بۆ هێرشا توركیا بۆ سەر چیایێ شنگالێ دیاركر و داخواز ژ وەلاتێن دەوروبەر كر دەست تێوەردانێ نەكەنە د شنگالێ دا ژبلی هێزێن هەڤپەیمانان و پێشمەرگەیێ قارەمان،هەروەسا داخواز ژ پەكەكێ كر هێزا خۆ ژ شنگالێ ڤەكێشت داكو ئەڤ جۆرە هێرشنە دووبارە نەبن و دەرەئەنجام قوربانی ژ هێزێن پێشمەرگەی و خەلكێ بێ گونەهن ،ژبەركو خەلك ل شنگالێ ل هڤیا هندێ نە ڤەگەرنە سەر جه و وارێن خۆ و سەرەخۆشی ل كەس و كارێن جانگۆریا كر و هیڤیا زوو چاكبوونێ بۆ بریندارا خواست.
هەروەسا عەمید"هلگرت"بنگەهێ لالش ب باوەرنامەكا رێزلێنانێ خەلاتكر ژبۆ پێكۆل و رۆلێ كارا یێ بنگەهی د خزمەتكرنا پێشمەرگێ قارەمان دا.
ل داویێ عەمید"هلگرت"دناڤ ئاڤاهیێ بنگەهی و بەشان دا گەریا.
بۆ زانین " رێڤەبەرێ راگەهاندنا وەزارەتا پێشمەرگەی باوەرنامەكا رێزگرتنێ پێشكێشی بنگەهێ لالش ئەلمانیا كربوو،وەك رێزگرتن بۆ پێكۆل و رۆلێ وان یێ كارا بۆ خزمەتكرنا پێشمەرگەی و "شێخ شامۆ" خەلات ژ پێش وان ڤە وەرگرت.
تعليقات