شیرەتكارێ سەرۆكێ هەرێما كوردستانێ:بنگەهێ لالش دەزگەهەكێ مەزنە و مالا رەوشەنبیری یا حەموو كوردایە
تۆرا لالش یا راگەهاندنێ
د."مەحەمەد سالح" شیرەتكارێ سەرۆكێ هەرێما كوردستانێ دیاركر كو بنگەهێ لالش دەزگەهەكێ مەزنە و مالا رەوشەنبیری یا حەموو كوردایە،دووپاتكر ژی كو بنگەهی ب چالاكیێن خۆ یێن هەمەرەنگ كاریە ببتە زنجیرا گەهاندنێ دناڤبەرا جڤاكی و دەسەلاتێ دا.
شیرەتكارێ سەرۆكێ هەرێما كوردستانێ ئاماژەكر كو ئێزدیان جهەكێ مەزن دسیاسەتا بارزانی دا هەیە و ل سەر وان دەست ب ئەردێ باب و باپیرێن خۆ بگرن پتر ژ حەموو پێكهاتێن كوردستانێ،رۆنكر كو رەه و ریشالێن وان یێن دیرۆكی ل كوردستانێ گەش بووینە.
ژبال خۆڤە بەرێز"شێخ شامۆ"سەرۆكێ دەستەیا بلندا بنگەهێ لالش ل دهۆكێ بخێرهاتنا شاندێ مێڤان كر یێ پێكهاتی ژ بەرێزان د."مەحەمەد سالح" شیرەتكارێ سەرۆكێ هەرێما كوردستانێ و "فەوزی ئەسعەد"جێگرێ بەرپرسێ لقێ شەشێ پارتی دیموكراتی كوردستان و "تارق عەقراوی"بالیۆزێ عێراقێ یێ بەرێ ل نەمسا و "خەلیل شنگالی"رێڤەبەرێ نڤیسینگەها كوردستان تی ڤی ل ئەوروپا و (داسن فاروق بەگ)ژ بنەمالا میران.
هەروەسا"شێخ شامۆ"دووپاتكر كو بنگەهێ لالش دێ بەردەوام بت ل سەر پەیرەوێ خۆ یێ نەتەوی ژبەركو ئێزدیا گەلەك قوربانی داینە ل سەر ڤی ئەردی و ئەركێ مەیە پتر ب پارێزین،تەكەزكر كو خورتكرنا پرۆرسا پێكڤەژیان و پێشئێخستنا بزاڤا رەوشەنبیری و نەتەوی ژ ئارمانجێن بنگەهی یە،رۆنكر ژی كو بنگەه دێ سەكنت ل دژی هەر ئێكێ هەول بدەت ئێزدیان ژ نەتەوەییا وان یا كوردی یارەسەن دوور بكت.
ژلایەكێ دیڤە شێخی سوپاسیا بەرێز فەوزی ئەسعەد كر بۆ پشتەڤانیا وی و پالپشتیا لقێ شەشێ پارتی دیموكراتی كوردستان بۆ بنگەهێ لالش ئەلمانیا،دووپات ل سەر پێتڤیا هەڤكاری و هەماهەنگیا پتر كر دگەل ئێك دا پێخەمەت خورتكرنا پەیوەندییان دناڤبەرا ئالیان دا،ژبۆ بەلاڤكرنا بزاڤا رەوشەنبیری یا كوردی ل ئەوروپا ب گشتی و ئەلمانیا ب تایبەتی.
تعليقات