"ئێزدیان رۆلەكێ نموونەیی بۆ بەرەڤانیكرنێ ژ ئەردێ ئەرمینیا هەبوو"
ئێزدیخان نیوز:
ل دەمێ شەرێ دناڤبەرا وەلاتێن ئەرمینیا و ئازرەبیجانێ دا ل دۆر سنووری،ئێزدیان رۆلەكێ نموونەیی بۆ بەرەڤانیكرنێ ژ ئەردێ ئەرمینیا هەبوو،چنكو ئەو پشكەكن ژ وی وەلاتی و پێكڤە شەرێ دووژمنان كرینە ژ چەندین چەرخان وەرە و ئەڤ قارەمانیە دناڤبەرا ئێزدیان و ئەرمەنیان دا بەردەوامە.
ڤەكۆلەرێ ئێزدی"داود موراد خەتاری"دیاركر كو شەری بۆ ماوێ پێنج سالان ڤەكێشا و ئێزدیان 35 ژ كورێن خۆ یێن جانگۆری ژ دەست دان بۆ بەرەڤانیكرنێ ژ ئەردێ ئەرمینیا و دوو گەنجێن دی ژی ژ دەست دان هێشتا چارەنڤیسێ وان نە دیارە.
خەتاری دایە دیاركرن د وان شەران دا ئەوا دناڤبەرا هەردوو وەلاتان دا چێبوویی زەلامێن زیرەك هەبوون و ژ وانا قارەمان"لیلو ئێزدی" ناڤێ وی یێ راست"ئوسف عەتار"ە،وەك رێزگرتن بۆ زێرەكیا وی د وان شەران دا 9نیشانێت لەشكەری و سڤیل ژ سەرۆك كۆمار و سەركردێن مەزن یێن لەشكەری و پەرلەمانی ب دەست خۆ ڤە ئینان.
تعليقات