شێخ شامۆ:بنگەهێ لالش دێ جەژنا سەرێ سالا ئێزدیان ساخ كت
بنگەهێ لالش دێ بەردەوام بت بۆ پشتەڤانیكرنا قوتابیێن كێم دەرامەت
تۆرا لالش یا راگەهاندنێ
ب ئامادەبوونا ئەندامێن دەستەیا بلند و سەرۆكێن تایێن لالش،ئیرۆ رۆژا ئێك شەمبوویێ،كۆمبوونا بەرفرەه و یا هەیڤانە یا دەستەیا بلندا بنگەهێ لالش ل دهۆكێ هاتە گرێدان.
دكۆمبوونێ د بەرێز"شێخ شامۆ" سەرۆكێ دەستەیا بلندا بنگەهێ لالش دووپات ل سەر پشتەڤانیا خێزانێن ئاوارە ل كەمپان دا كر ب هەلكەفتا جەژنا سەرێ سالا ئێزدیان و ئەڤ هاریكاری پتر بۆ كێم دەرامەتان بن،دیاركرژی كو ئەركێ بنگەهێ لالش خزمەتكرنا خەلكێ یە ب تایبەت ئاوارەیان.
دلایەكێ دی یێ كۆمبوونێ دا"شێخ شامۆ"رۆنكرن ل سەر گرنگترین كۆمبوونێن ڤێ داویێ دگەل شاند و كەسایەتیێن نێڤ دەولەتی یێن گرنگ ئەنجامداین و ژوانا كۆمبوون دگەل شاندەكێ ژ نەتەوەیێن ئێكگرتی و ب ئامادەبوونا میر"تەحسین بەگ" و ژمارەكا كەسایەتیێن ئێزدی،دووپاتكر كو وان داخوازیێن ئێزدیا حەموو ب ئەمانەت و راستی گەهاندینە،تەكەز ل سەر چالاكیێن هاتینە كرن كر ژوانا ئامادەبوون ل سەیرانێن قوتابخانا یێن هاتینە ساخكرن ژبال قوتابخانێن برایەتی(التاخی)و ئاماژەكر كو قوتابی گرنگترین تەخە دجڤاكی دا و پشتەڤانیكرن و هاندانا وان ژ ئارمانجێن بنگەهێ لالشە.
هەروەسا سەرۆكێ دەستەیا بلندا بنگەهێ لالش ئاماژە دا هاریكاریێن دارایی یێن هاتینە پێشكێشكرن ژ بەخشینەیا بنگەهی بۆ قوتابیێن كێم دەرامەت ژ قوتابیێن پەیمانگەه و زانكۆیان و دووپات ل سەر بەردەوامیدانا بەرنامێ هاریكارییان كر.
هەر دكۆمبوونێ دا بەحسێ ئاهەنگ و هەلكەفتێن نەتەوی و جەژنا نەورۆزێ و رۆل و پەسنا بنگەهێ لالش ل سەر ساخكرنا وان ب چالاكیێن هەمەرەنگ هاتە كرن،ژلایەكێ دیڤە بەحس ل كۆمبوونا بەرفرەه هات كرن كو ب ئامادەبوونا حەموو ئەندام و سەرۆكێن تایی و نڤیسینگەها و دەستەیێن وان یێن كارگێری هاتیە گرێدان و ئاماژە ب گرنگترین خالێن دكۆمبوونێ دا هاتینە پێشنیاركرن هاتە دان و پابەندبوون ب وان خالان.
ل داویێ گەنگەشە ل سەر گرنگترین بزاڤ و چالاكیێن گێراین و یێن دپاشەرۆژێ دا ئەنجام ددەن ل سەر هات كرن.
تعليقات