دڤێت رێنما بێنە دانان بۆ پیرۆزی راگرتنا رێ ورەسمێن توافان/ رێزان كچل
رێزان كچل
دهێ زانین هەرسال ل مەها نیسانێ پشتی جەژنا سەرسالێ رێ ورەسمێن توافا ل سەرانسەری دەڤەرێن ئێزدیا دئێن كرن،لێ مەچەند دیتن هەنە بۆ چاوانیا رێڤەچوونا ڤان توافان ئەوژی ژبەركو تواف گرنگترین جهە بۆ هەر دەڤەرەكێ و ئەڤە پترە ژ 30 سالان ئەڤ رێ ورەسم هەنە،لێ ڤالاتی واكەتیە درێڤەبرنا وان دە،ئەڤجا ڤان چەند خالان دیاردكم.
1.ژبەركو رێژەكە هەرە زۆرا خەلكێ پشكداردبن وئێكەم جهە پشتی لالشا نورانی كو ئێزدی پتر لێك كۆمدبن،لەورا دڤێ دەلیڤە بهێ دیتن كومفا ژڤێ كۆمڤەبونێ بهێ وەرگرتن وبەرەلایا هندەك خەلكی نەهێ دیتن ل توافان دا ورێنما وبریار هەبن كو كەسێن پشكدار بزانت وێ هاتی توافا خاسەكی ورێ رەسمەك ئۆلی وجڤاكی هەیە،دڤیت پیرۆزیا توافێ باشی بهێ زانین.
2.سەردەریێن خاسا ب باشی بهێن شارەزاكرن د گەهاندنا زانیاریێت ئایینی دا وچ بۆ كەسێن پشكدار د توافیدایان ژی تایبەت بۆ راگەهاندكارا،ژبەركو هیتا نۆكە یا پێتڤی نەهاتیە دیتن كو مجێور ب تەمامی بەحس ل توافان بكت ودڤێت حەموو مجێور ب رێیا جڤاتا رۆحانی خۆلێن شارەزایا ئۆلی بۆ بهێن ڤەكرن داكو كارو ئەركێ خۆ باش بزانن.
3.بێگۆمان ل هەر توافەكێ داهاتیێ زیارەتگەرا هەیە كو خەلكەكی خێرا خۆ دایە ول نیشانگەهێ تواف كریە لێ ئەڤ داهاتییێ دچە گەنجینیا نیشانگەهێ ب باشی ناهێ مەزاختن بۆ خزمەتكرنا دۆرماندۆرێ نێشانگەهێ ئان ژی بۆ خەلكەكێ كێم دەرامەت وبەلەنگاز.
4.دڤیا تواف ببن جهێ دووێ دئۆلا ئێزدیاندا پشتی لالشێ، ژبەركوو یانۆكە دهێ دیتن ژبەر بەرەلایا دهی دیتن وئەڤ چەند بەردەوام بت دێ رۆژەك ئێت تواف ژی نەمینن،ژبەر كەلتۆرێ دەڤەرێ و نۆكە ژی تنێ گەنج ل توافا دهێن دیتن كەسانێن ریهسپی وتەمەن ناهێن دیتن.
5.دڤێت ب كێماسی ئێك ژ ئەندامێن جڤاتا رۆحانیا ئێزدیا وزانایێت ئۆلی بهێن دیتن ل رێ ورەسمێن توافان تایبەت ل دەمێ نووكرنا پەریا خاس وبەلاڤكرنا سماتێ یا خاسی و قەوال ژی هەبوونا وان هەبت دگۆتنا قەولێن ژیانێ ڤە گرێدایی وزانایێ دئایینی ژی ببن شرۆڤكار بۆ كەسێن بەرهەڤبوویی ل توافێدا ل جهەك تایبەت دا وئەز وێ چەندێ پشت راستم هە تانهۆكە رێژا زۆرا پشكدارا رامان وزانیاریێت ناڤا توافان باشی نزانن.
6.دیسان ژبەر تێكەلبوونا كەلتۆرێ خەلكێ مەیێ شنگال وپشكداریا وان دگەل هەر دەڤەرەكێ ل توافان دە باشترین دەمە كو ئێدی جڤاتا رۆحانیا ب چاڤەكێ مەزن بەرێخودانا توافان بكت و شارەزایا ئۆلی پتر خویابكت وگرنگیێ بدەنێ.
7.لژنەك سەرپەرشتا توافان بكت بۆ چاوانیا گێرانا وان وئەوژی ب ڤی رەنگی ئەندام ئەڤەبن (ئەندامەك ژجڤاتا رۆحانیا وبسپۆرەكێ ئێزدیناسیێ وشارەزایەك میدیایی یێ ئێزدی كو سەرپەرشتا كەنالێن میدیایی ل توافێدا بكت و دا چ شاشی نهێن گۆتن ودیسان مجێورێ نیشانگەهێ و چەند ریهسپیێت وێ دەڤەرا تواف لێ دهێ گێران.
تعليقات