پەنابەرێن ئێزدی ل ئەوروپا تووشی ئاریشەیەكا مەزن دبن...مال وبنگه‌هێن ئێزديان دئێنه ئاگه‌هداركرن
ئێزدیخان نیوز:
ل وەلاتێن جودایێن ئەوروپا ب هەزاران ئێزدی نۆكە وەك پەنابەر لێ دژین و ژیانا خۆ دبەنە سەری،رۆژنامەڤانەكێ ئێزدی ژی دبێژت:خەلكێ مە پێتڤی ئێكگرتن و ئێك پەیڤێ نە و دڤێت بگەهنە حكومەتا و جهێن بلند و رادیۆ و تلەفزیۆنا خۆ هەبتن،گەلەك مال و بنگەهێن ئێزدیان هەنە دڤیا خۆ بكەنە خودان ل ئێزدیان و رۆلێ خۆ خۆرتر لێ بكەن.
رۆژنامەڤانێ ئێزدی"ئلیاس خەتاری"ژ وەلاتێ ئەلمانیا بۆ مالپەرێ(ئێزدیخان نیوز)خویاكر:"خەلكێ ئێزدی یێن پەنابەر ل دەرڤەی وەلاتی یانكو ب گشتی ل ئەوروپا پێتڤی جڤات و مەحفەلانە هەرهەفتیێ جارەكێ،ئانكو جڤاتێن خێزانی داكو پەیوەندیێن وان بهێز بن،هەروەسا وانێن ئایینێ ئێزدیان بۆ وان بێنە گۆتن چ ل قوتابخانێ یان هەر جهەكێ دی بتن،بەلكو خەلكێ مە وێ دووری ئایینێ خۆ ڤە دئێتن و ئەڤە ئاریشەكا هەرە مەزنە بۆ مە ئێزدیان،دیسان ئێزدیێن دەرڤە و یێن عێراقێ پێتڤی ب ئێك و دوونە دڤیا پەیوەندیێن وان بهێزتربانە و رەوشا وان ب گشتی یا باشە".
گۆتژی ئێزدی پێتڤی ئێكگرتن و ئێك پەیڤێ نە و دڤێت بگەهنە حكومەتا و جهێن بلند و رادیۆ و تلەفزیۆنا خۆ هەبتن،گەلەك مال و بنگەهێن ئێزدیان هەنە دڤیا خۆ بكەنە خودان ل ئێزدیان و رۆلێ خۆ خۆرتر لێ بكەن و پەیوەندیێن دناڤبەرا خۆ دا بهێز بكەن ب ئەنجامدانا چالاكیان و خرڤەكرنا خەلكێ و سەرەدانێن جۆرا وجۆر.
ئاماژەكر ژی كو خەلكێ مە پێتڤی ب وانێن زمانێ دەیكێ نە،بەلكو گەلەك زارۆكان زمان ژ دەست دایە.
تعليقات