حكوومەتا ئەمریكا دێ پرسا ئاسێبوونا ئێزدیان ل یونانێ و پێشكێشكرنا هاریكارییان گەنگەشەكەت
ئێزدیخان نیوز:
ئەندامەكێ كۆنگرێسێ ئەمریكا راگەهاند:"كو دێ بابەتێ پێشكێشكرنا هاریكارییان بۆ ئاوارێن ئێزدی ل كوردستانێ و توركیا و یێن ئاسێ ل یونانێ،ل كۆنگرێسی و لگەل حكوومەتا ئەمریكا گەنگەشەكەت".
رۆژنامەڤانێ ئێزدی"فەلاح رەشۆكا"د داخویانیەكێ دا بۆ مالپەرێ(ئێزدیخان نیوز)گۆت:" د دیدارەكێ دا بۆ ماوێ دەمژمێرەكێ لگەل"جیف فورتمبری" ئەندامێ كۆنگرێسێ ئەمریكا،ل سەر چاوانیا هاریكاریكرنا ئێزدیان ل عێراقێ و پێدانا دەلیڤێ بۆ هەر ئێكی بڤێت قەستا ئەمریكا بكەتن،دیسان رەوشا شنگالێ یا نۆكە گەنگەشەكر".
دلایەكێ دی یێ دیدارێ دا،رەوشا ئێزدیان دكەمپان دا و ل كوردستانێ و چاوانیا هاریكاریكرنا وان هات بەحسكرن و ب شێوێ ناڤەرۆكی من ئازارێن خەلكێ بۆ ڤەگوهاستن و ل سەر ئەوا تووشبووینێ ل شنگالێ و جهێن هەبوونا ئێزدیان و داب و نەریت و چاوانیا هەڤژینیێ و نەریتێ وێ و بابێ رۆحیێ ئێزدیان"بابا شێخ" و رۆلێ وی یێ ئایینی ل پەرستگەها لالش ئاخفتم".
رەشۆكا ئاماژەكر دئالیەكێ دی دا ئازارێن كێمینەیان ل رۆژهەلاتا ناڤێن و عێراقێ ب تایبەتی و ئەوا تووشبووینێ و هەبوونا پاراستنێ بۆ یێ دڤێت ل وێدەرێ بژیت،هات گوتوبێژكرن.
رۆژنامەڤانی ئەو چەندە ژی دیاركر:"ئەندامێ كۆنگرێسی داخوازا زێدەتر یا وێنەیێن داب و نەریتێن ئێزدیان كر و پرسیارا ئەگەرا هندێ كر كو زۆرینەیا ئێزدیان زمانێ ئنگلیزیێ دزانن و پێ گەهاند بۆ حەژێكرنا ئێزدیا بۆ ئەمریكا و گەلێ وێ زڤراند".
ناڤهاتی ئاشكەراكر ژی ل داوییا دیدارێ "جیف فورتمبری" سۆزدا لگەل رێكخراوا كۆچا نێڤ دەولەتی(IMO) ب ئاخفت بۆ لەزكرنێ د دۆسەیێن ئێزدیا و كێمینەیێن دی دا،زێدەباری پێشكێشكرنا بابەتێ هاریكارییان بۆ ئاوارێن ئێزدی ل كوردستانێ و توركیا و یێن ئاسێ ل یونانێ،ل كۆنگرێسی و لگەل حكوومەتا ئەمریكا بێتە گەنگەشەكرن و دلسۆزیا خۆ دگەل مە دا دیاركرن.
تعليقات