ئاوارەیەكێ ئێزدی دێرا"ماركیۆركێس"ب هۆنەرێ دەستی چێ دكت ودكەتە دیاری بۆ خەلكێ گونده‌كێ مه‌سيحييان
ئێزدیخان نیوز:باسم قاسم شنگالی
گەنجەكێ ئاوارەیێ ئێزدی ل گوندێ باختمێ یێ مەسیحییان ل قەزا سێمێلێ سەر ب پارێزگەها دهۆكێ ڤە ئاكنجییە،ژبەر باشی و خزمەتا خەلكێ گوندی پێشكێشی ئاوارەیێن ئێزدی كری ب هۆنەرێ خۆ یێ دەستی دێرا "ماركیۆركێس"چێ دكت ودكەتە دیاری بۆ خەلكی.
سعود خدر،بۆ (ئێزدیخان نیوز) دیاركر:" ل دەما3/8/2014ێ تیرۆرستێن داعشێ دەست ب سەر دەڤەرا شنگالێ دا گرتی و هەموو خەلكێ وێ دەڤەرێ ئاوارەبووین و ب هەزارەهان قەستا دەڤەرێن هەرێما كوردستانێ كرن كو دناڤا كەمپان وكاڤلان دا ئاكنجینە،ئەز و خێزانا خۆ ئاوارەی گوندێ باختمێ یێ برا مەسیحییان بووین و ژبەر باشی و خزمەتا خەلكێ ڤی گوندی ب ئەرك زانی ب هۆنەرێ خۆ یێ دەستی دێرا "ماركیۆركێس"چێبكەم و بكەم دیاری بۆ خەلكێ گوندی".
خدر ئاماژەكر:"ئاینێ ئێزدیان ئەو ئاینەیە هەردەم ئاشتی و پێكڤەژیانێ دخوازت ل سەرانسەری جیهانێ و خێرخوازە ژبۆ هەموو مرۆڤایەتیێ.
تعليقات