جڤاتا سنوونێ داخوازا قەرەبووكرنا خەلكێ ڤەگەریایی و دابینكرنا خیڤەتان بۆ ئاوارەیان دكەت
ئێزدیخان نیوز:
زۆرینەیا ئاوارێن ل ناوچەدارییا سنوونێ دخیڤەت و كاڤل و كەمپێن نە رێكخستی یان فەرمی دا دژین و دگەل خەلكێ ڤەگەریایە دەڤەرێ نۆكە درەوشەكا نەباش دا ژيانا خۆ دبه‌نه سه‌ر،رێژەیا بێكاریێ دناڤ دا هەتا 90%ێیە،ل بەرامبەردا حكوومەتا ناڤخۆیی ل نەینەوا هاریكاری كێم پێشكێشی وان كرینە و ب ئەركێ خۆ رانەبوویە.
سلێمان فانۆ،ئەندامێ جڤاتا ناوچەدارییا سنوونێ بۆ مالپەرێ(ئێزدیخان نیوز)دیاركر:"حكوومەتا ناڤخۆیی ل نەینەوا هاریكاری كێم پێشكێشی ئاوارێن سنوونێ كرینە و ب ئەركێ خۆ رانەبوویە هەمبەر ئاوارەیان و یێن ڤەدگەرنە دەڤەرێ و جهێن خۆ،رەوشا وان نەیا باشە سەبارەت ب ژیانێ،چنكو زۆرینەیا وان دخیڤەت و كاڤل و كەمپێن نە رێكخستی یان فەرمی دا دژین،ئەوێن ڤەدگەرنە جى و دەڤەرێن خۆ حالێ وان وەك یێ ئاوارەیانە".
فانۆ ئاشكەراكرژی پتر ژ چار هەزار خانیان هاتینە هەرفاندن چ ب رێیا پەقینان یان سۆتنێ و خانیێن دی هاتینە تالانكرن ،ژبەرنەبوونا دەلیڤێن كاری وەلاتی نكارن تشتێن پێتڤی بكرن بۆ خێزانێن خۆ.
ئەو چەندە ژی راگەهاند:"داخوازێ ژ حكوومەتا مووسلێ دكەین ب ئەركێ خۆ رابت بۆ دابینكرنا خزمەتكاریێن سەرەكی بۆ وەلاتیان و فشارێ ل حكوومەتا بەغدایێ بكەت بۆ دەرێخستنا میلشیاتێن نە رێكخستی و یێن بیانی یێن ل دەڤەرێن شنگالێ دا،ب سپاندنا یاسایێ و دیسان دابینكرنا دەلیڤێن كاری بۆ وەلاتیان،چنكو رێژەیا بێكاریێ هەتا 90%ێیە و خەلكێ ڤەدگەرت بێتە قەرەبووكرن چ ب گوژمەكێ هێما بت،داكو بكارن تشتێن فەر بۆ مالێن خۆ بكرن و دابینكرنا خیڤەت و تشتێن فەر بۆ ئاوارەیان".
تعليقات