میر تەحسین بەگ:ئەگەر رەوشا ئێزدیا باش نەبت ئەو ئێزدیێن مایێن ژى دێ چن

ئێن ئارتى

میرێ ئێزدییان راگەهاند، بریارا ئێزدییان ب دەستێ ئێزدییانە، نها ئەز نەشێم چ بریاران بدەم هەیا ئێزدییا ببینم و دگەل رینم.

 ل ٢٨ی شوباتا ٢٠١٧ێ، میر تەحسین بەگ میرێ ئێزدییان دداخویانیەک تایبەتدا بۆ ئێن ئار تى راگەهاند، " بریارا ئێزدییان ب دەستێ ئێزدییانە، نها ئەز نەشێم چ بریاران بدەم هەیا ئێزدییا ببینم و دگەل وان رینم خار و هەیا موسل نەهێتە کۆنترۆلکرن ئەز نەشێم ژ دەڤ خۆ چ بریاران بدەم".

 دەربارێ ئازادکرنا کچ و ژنێن ئێزدى میر تەحسین بەگ گوت "بۆ ئازادکرنا کچ و ژنێن ئێزدى مە چ جهـ ل جیهانێ نەهێلاینە و مە گەلەک نامە بۆ ئەمریکا شاندینە و مە گەلەک هەول داینە بۆ ئازادکرنا وان".

هەڤدەم دەربارێ ئەو کچ و ژنێن ڤەدگەرن میرێ ئێزدییان گوت " هەر کچ و ژنەکا ڤەگەریت نابیت بهێتە کوشتن و پێدڤیە رێز لێ بهێتە گرتن، چونکى نە ب کەیفا خۆ چووینە و بەلکو ب زۆرى برینە".

دەربارێ رەوشا ئێزدیان ژى میر تەحسین بەگ میرێ ئێزدییان گوت "ئەگەر رەوشا ئێزدیا باش نەبیت ئەو ئێزدیێن مایێن ژى دێ چن".

ئەڤە ژى دەمەکێدایە، پشتى کۆنترۆلکرنا موسل ژلایێ رێکخراوا داعش ڤە، باژێرێ شنگالێ ژى ژ  لایێ داعش ڤە هاتە کۆنترلکرن و ب دەهان کچ و ژنێن وان هاتنە برن و ب دەهان کۆمکوژى دناڤ ئێزدیان دا هاتنە ئەنجامدان.