التخطي إلى المحتوى الرئيسي
بحث هذه المدونة الإلكترونية
كچێن ئێزدیان دبەرهەڤن بۆ پشكداریكرنێ بۆ رزگاركرنا لایێ راستى یێ مووسلێ
باسنيۆز:له‌زگين جۆقى
بەرپرسا هێزا رۆژ یا كچێن ئێزدی ل فەرماندا شنگال یا پێشمەرگەی كوردستانێ دیاركر هەموو ئامادەکاری و بەرهەڤی ژلایێ مەڤە هاتینەكرن هەر دەمێ ژ مە بهێتە داخازكرن دێ پێشكداریێ د رزگاركرنا لایێ راست یێ پارێزگەها مووسلێ دا كەن بۆ رزگاركرنا كچ و ژن وزارۆیێن ئێزدێ یێن هەتا نۆكە ماینە د دەستێن تیرۆرستێن داعشێ دا.
خاتی علی خدر، بەرپرسا هێزا رۆژ یا كچێن ئێزدی ل فەرماندا شنگال یا پێشمەرگەی كوردستانێ بۆ (باسنیوز) دیاركر: "پێشمەرگەهێن كچ ل فەرماندا شنگال ل سەر بكارئینان چەكێ قورس هاتینە مەشقدان نۆكە بەرهەڤیێن هەر دەمێ جەنابێ سەرۆك بارزانی فەرمانێ بدەت ئەم دێ پێشكداریێ رزگاركرنا هەموو گوند وكۆمەلگەهێد شنگالێ دا كەن یێن هەتا نۆكە نەهاتینە رزگاركرن دێ پێشكداریێ د رزگاركرنا لایێ راست یێ پارێزگەها مووسلی ژی دا كەن بۆ رزگاركرنا كچ وژن وزارۆیێن كوردێن ئێزدی".
خویا ژی كر" فەرماندا شنگال چاڤەرێ بریارا سەرۆك بارزانی دكەت بۆ پێشكداریكرن و رزگاركرنا هەموو دەڤەران ئەم بەرهەڤن بۆ هەر جهەكێ داخوازێ ژ مە بهێتە كرن بچن رزگاربكەن".
تعليقات