سه‌رۆكێ دەستەیا ڤەکۆلینێ:دوڤچوون ل سەر کارەساتا شنگالێ دێ دەست پێ کەت
باسنيۆز:له‌زگين جۆقى
سەرۆکێ دەستەیا ڤەکۆلینی وکۆمکرنا بەلگەنامەیان یا جینوسایدێ بۆ (باسنیوز) دیارکر پتر ژ 1200 کەسان سکالا ل سەر تیرۆرستێن داعش تۆمارکرینە و 32 گۆرێن ب کۆم ھاتینە دیتن وتۆمارکرن و28 مەزارگەھێن ئاینێ یێن ھاتێنە دیکومینتکرن دگەل ھەژمارەکا زۆر بەلگەنامە ودێدەڤان و قوربانێن کارەساتا شنگال و دەشتا مووسلێ ھەتا نوکە کەیسا ئەنجامێن زۆر باش ئێناینە.
دادوەر ئەیمەن مستەفا، سەرۆکێ دەستەیا ڤەکۆلینی وکۆمکرنا بەلگەنامەیان بۆ جینوسایدێ ل دھۆکێ بۆ (باسنیوز) دیارکر د ڤەکۆلینێ دا ئاشکرابوویە مەرەما تیرۆرستان ئەو بوویە ئێزدیان ژناڤ ببەن، نوکە ڤەکۆلین دھێتە کرن دووڤدا دێ دوڤچوون ل سەر کارەساتا شنگال دەست پێ کەت دووڤ ھەموو پێڤەران کارەساتا شنگال جینوسایدە دووڤ ئەنجامێن ڤەکولینێن ھاتینە کرن ھەتا نوکە زۆر تشت ئاشکرا بووینە تیرۆرستێن داعش ڤیاینە ئولا ئێزدیان ژناڤ ببەن.
دادوەر ئەیمەن مستەفا، بۆ (باسنیوز) ڕاگەھاند: "ھەژمارەکا زۆر قوربانێان یێن ھاتێنە دیتن وگەلەک جۆرین بەلگەنامەیان یێن ھاتێنە کۆمکرن وەکو مادی و جنائیی و دیکۆمینتان زێدەباری فوتو و ڤیدیو و ئاخڤتن یێن قوربانیان و دێدەڤانان وھەموو جۆرێن بەلگەنامە ودیکومینتان یێن ھاتێنە کۆمکرن تێرا ھندی دکەن بریارا جینوسایدێ ل سەر بھێتە دان چونکو کارەسات نە ب ھەژماری یە بەلکو جینوساید ب جۆری وکوالیتی دھێتە سەلماندن، ھەتا نوکە ئەم یێن گەھشتینە جۆری و کوالیتی بۆ سەلماندن وپەسەندکرنا بریارا جینوسایدێ بەردەوام بەلگەنامە دھێنە کۆمکرن".
سەرۆکێ دەستەیا ڤەکۆلینی وکۆمکرنا بەلگەنامەیان بۆ جینوسایدێ ل دھۆکێ ئاشکرا کر کو: "ھەتا نوکە لژنێن نەتەوەیێن ئێکگرتی یا سەلماندنێ ئەو ب شنگال وپێکھاتێن دێ ئاینی و نەتەوەیی ھاتیە کرن جینوسایدە ، ھەتا نوکە ئەم یێن گەھشتینە ئەنجامێن زۆر باش لێ ئەم نەشین بریارا جینوسایدێ بدەن ئەڤە دێ مینت بۆ دادگەھێن نێڤدەولەتی چونکی بتنی ئەم بەلگەنامە و ڤەکۆلینی بۆ جینوسایدێ دکەین رۆژانا چیرۆکێن زۆر نەخۆش پر ئێش وئازارە دگەھنە مە ئەم دیکومینت دکەن".
خۆیا ژی کر: "حکومەتا ھەرێما کوردستانێ دێ کەیسا جینوسایدێ رەوانەی دادگەھا نێڤدەولەتی کەت ئەم نەشین چارەنڤیسێ گونەھباری دەست نێشان بکەن بۆ نموونە ھەکە ئەم گونەھباری دەستەسەربکەن ودانپێدانی بکەت ئەم سزا بدەن ئەڤە مە کەیسا جینوسایدێ گرتن چوو دەلیڤە بۆ دادگەھا نێڤدەولەتی نامینت ژبەر ڤێ چەندی ئەم نەشین دانپێدان و ڤەکۆلینی دگەل تیرۆرستان بکەن بۆ جینوسایدێ بتنی ئەم رێکی خوش دکەن و بەلگەنامە کۆم دکەن دەمێ دوسیە بۆ دادگەھەکێ دھێتە رەوانەکرن ئەو دێ بریارێ ل سەر دەن".
دادوەر ئەیمەن مستەفا، بۆ (باسنیوز)، گۆتژی: "80% دیکومینت و بەلگەنامە کەسێن سکالا تۆمارکرین ئێزدی نە و 20% بەلگەنامە ودیکومینت وکەسێن سکالا تۆمارکرین مەسیحی و شەبەک و تورکمان و کەکائیی و 28 جھێن ئاینی ھاتێنە دیکۆمینتکرن کار دھێتە کرن دوسیەیا جینوسایدێ یا ھەڤپێشک بیت دگەل عێراقی گەلەک دەولەتێن زلھێز جیھانی پشتەڤانن کارەساتا بسەری پێکھاتێن کوردستانێ ھاتی ببیتە جینوساید".
تعليقات